અમદાવાદના વસ્ત્રાપુરમાં બેંકની મહિલા કર્મચારી સાથે દુષ્કર્મનો પ્રયાસ થયાનો કિસ્સો સામે આવ્યો છે. ઓક્સફોર્ડ ટાવરની લિફ્ટમાં એક યુવકે મહિલાની છેડતી કરી હોવાનું જાણવા મળ્યું છે.
આ અંગે પ્રાપ્ત થતી વિગતોનુસાર શહેરના રૂકુલ વિસ્તારમાં આવેલા ઓક્ષફોર્ડ ટાવરની છે. જેમાં યુવક લીફ્ટમાં પ્રવેશ્યો હતો અને મહિલા કર્મચારી સાથે દુષ્કર્મનો પ્રયાસ કર્યો હતો. આ ઘટનાના સીસીટીવી ફૂટેજ પણ સામે આવ્યા છે. જેમાં એક યુવક બાઈક લઈને ઓકસફોર્ડ ટાવર પાસે આવે છે અને બાઈક પાર્ક કરીને અંદર જાય છે. બાદમાં થોડી વાર પછી તે ત્યાંથી ફરાર થાય છે.
મહિલા કર્મચારીનો આરોપ છે કે આ યુવકે તેની સાથે બળજબરી કરી અને શારીરિક અડપલાં પણ કર્યા હતા. બાદમાં મહિલાએ બૂમા બૂમ કરતા યુવક ત્યાંથી ફરાર થયો હતો. ઘટનાના પગલે મહિલાએ પોલીસ ફરિયાદ નોંધાવતા પોલીસે ગુનો નોંધી વધુ તપાસ હાથ ધરી છે.
ઉલ્લેખનીય છે કે ગુજરાતમાં મહિલા સુરક્ષાની મોટી મોટી વાતો કરવામાં આવે છે પરંતુ તે હવે માત્ર વાતો જ રહી ગઈ હોય એવું દેખાય છે. ગુજરાત તેમજ અમદાવાદમાં યુવતીઓ સાથે શારીરિક અડપલાં હોય કે પછી બળાત્કાર જેવા ગંભીર ગુન્હા હોય તે દિન પ્રતિ દિન વધી રહ્યા છે. જે પ્રકારે ગુજરાત રોલ મોડલ કહેવામાં આવે છે મહિલા સુરક્ષા ની મોટી મોટી વાતો કરવામાં આવે છે તો ક્યાં છે મહિલા સુરક્ષા?