મદ્રાસ હાઈકોર્ટે એક ચુકાદામાં એવું જણાવ્યું કે વૈશ્યાલયમાં દરોડા પાડતી વખતે પોલીસે સેક્સ વર્કર્સ કે ગ્રાહકની ધરપકડ ન કરી શકે.
મદ્રાસ હાઈકોર્ટનો ચુકાદો
દરોડા વખતે પોલીસ સેક્સ વર્કર્સની ધરપકડ ન કરી શકે
સેક્સ વર્કર્સને દંડિત પણ ન કરી શકે
શું પોલીસ વૈશ્યાલયમાંથી સેક્સ વર્કર્સ અને ગ્રાહકની ધરપકડ કરી શકે કે તેમને દંડિત કરી શકે આ મુદ્દે મદ્રાસ હાઈકોર્ટે એક મહત્વનું અવલોકન કર્યું છે. મદ્રાસ હાઈકોર્ટના જસ્ટિસ એન. સતિશ કુમારે એક કેસની સુનાવણી દરમિયાન એવું અવલોકન કર્યું કે પોલીસ કૂટણખાનામાંથી વૈશ્યા કે ગ્રાહકની ધરપકડ ન કરી શકે કે તેમને દંડિત પણ ન કરી શકે.
વૈશ્યાલયમાં હાજર હોવા માત્રથી ગ્રાહક અપરાધી ઠરતો નથી
જસ્ટિસ સતિશ કુમારે એવું પણ કહ્યું કે કોઈ ગ્રાહક વૈશ્યાલયમાં હાજર હોય તેનાથી કંઈ તેની સામે કાનૂની પગલાં ન ભરી શકાય તે ઉપરાંત અરજદારના કામને પણ સેક્સ વર્કર્સને સેક્સની ફરજ પાડવાના કામ તરીકે ન ગણી શકાય.
કયા કેસમાં હાઈકોર્ટે કરી ટીપ્પણી
ચેન્નઈના એક વૈશ્યાલયમાંથી ઉદયકુમાર નામના શખ્સની પોલીસે ધરપકડ કરી હતી. પોલીસે એવો આરોપ મૂક્યો હતો કે જ્યારે પોલીસ દ્વારા વૈશ્યાલયમાં દરોડા પાડવામાં આવ્યાં ત્યારે તે સેક્સ વર્કર્સ સાથે ત્યાં હાજર હતો અને તેથી તેની ધરપકડ કરવામાં આવી હતી. ઉદયકુમારે પોતાની ધરપકડને હાઈકોર્ટમાં પડકારી હતી અને મદ્રાસ હાઈકોર્ટમાં તેનો આજે કેસ ચાલ્યો હતો. આ કેસની સુનાવણી વખતે ઉદયકુમારના વકીલે એવું કહ્યું કે સમગ્ર આરોપ ધ્યાનમાં લઈએ તો પણ તેમના અસીલ સામે કોઈ ગુનો બનતો નથી. કારણ કે સેક્સ વર્ક કોઈ ગેરકાયદેસર નથી પરંતુ વૈશ્યાલય ચલાવવું ગેરકાયદેસર છે. સેક્સ વર્કર્સ પોતાની મરજીથી કામ કરી રહી છે અને તે કોઈની લાલચ, દબાણ કે જોરજુલમથી સેક્સનું કામ કરતી નથી તેથી આઈપીસીની કલમ 370 હેઠળ આવું કામ કોઈ ગુનો બનતું નથી અને તેની સામે કોઈ કાર્યવાહી થઈ શકતી નથી.
મસાજ સેન્ટરના બહાના હેઠળ ચાલતું હતું કૂટણખાનું
એડિશનલ પબ્લિક પ્રોસિક્યુટરે એવી રજૂઆત કરી હતી કે, મસાજ સેન્ટરના બહાના હેઠળ પ્રથમ આરોપી દ્વારા કૂટણખાનું ચલાવવામાં આવતું હતું. અરજીને માન્ય રાખતા જસ્ટિસે એવી વાતની નોંધ લીધી કે એફઆઈઆર મુજબ, અરજદાર હાજર ન હતો જ્યારે સેક્સ વર્કર્સ ઉપરોક્ત મસાજ સેન્ટરમાં હતી અને તેને આરોપી તરીકે દર્શાવવામાં આવ્યો ન હતો. અરજદાર કૂટણખાનામાં કોઈ જાતિય કૃ઼ત્યમાં સામેલ હતો તેવું દર્શાવવા માટે કોઈ પુરાવા નથી.
પોતાની સંમતિથી સેક્સ વર્ક કરનારની સામે પોલીસ કાર્યવાહી ન કરી શકે-સુ્પ્રીમે પણ આપી ચૂકી છે ચુકાદો
હાઈકોર્ટે સુપ્રીમ કોર્ટનો ચુકાદો ટાંકતા આવું અવલોકન કર્યું હતું. સુપ્રીમ કોર્ટે પણ કહી ચૂકી છે કે જ્યારે જ્યારે પણ વૈશ્યાલયમાં દરોડા પડે ત્યારે પોલીસ કે બીજી કોઈ અધિકારી વૈશ્યા કે ગ્રાહકની ધરપકડ ન કરી શકે કે તેમને દંડિત ન કરી શકે અથવા તો તેમની પજવણી પણ ન કરી શકે કારણ કે સેક્સ વર્કર્સ કે ગ્રાહક કંઈ ગેરકાયદેસર કામ કરતા નથી પરંતુ વૈશ્યાલય ચલાવવું ગેરકાયેદસર છે.