ગુજરાતમાં લોકોને કડકડતી ઠંડીનો અનુભવ થઈ રહ્યો છે. અમદાવાદ અને ગાંધીનગર સહિતના વિસ્તારોમાં તો સિઝનની સૌથી વધારે ઠંડી પડી રહી છે.
રાજ્યમાં ઠંડીનો પ્રકોપ યથાવત
ઉત્તર ગુજરાતમાં તો ઠૂઠવાયા લોકો
અમદાવાદમાં 11 ડિગ્રી લઘુતમ તાપમાન
ગુજરાતમાં કડકડતી ઠંડીનો અનુભવ
રાજ્યભરમાં ઠંડીનો પ્રકોપ યથાવત છે. આગાહી મુજબ જ ઉત્તરાયણ અને આસપાસના એક બે દિવસ ગુજરાતમાં કડકડતી ઠંડીનો અનુભવ થયો હતો. કેટલાક વિસ્તારોમાં તો 10 ડિગ્રીથી પણ ઓછું તાપમાંન નોંધાયું હતું.
ગઈકાલે અમદાવાદ ઠંડુગાર
અમદાવાદમાં ગઈકાલે 11 ડિગ્રી સેલ્સિયસ લઘુતમ તાપમાન નોંધાયું હતું. તો ગાંધીનગર તો એનાથી પણ વધારે ઠરી ગયું હતું. ગાંધીનગરમાં ગઈ કાલે 10.8 ડિગ્રી તાપમાન નોંધાયું હતું.
હજુ આગામી દિવસોમાં રહેશે ઠંડી
હવામાન વિભાગની આગાહી મુજબ હજુ પવન યથાવત રહેવાનો હોવાથી અનેક વિસ્તારોમાં પવન સાથે ઠંડીનું જોર રહેશે. માટે સલાહભર્યું છે કે ઠંડી સામે પ્રતિકાર કરવા માટે પગલાં લેવામાં આવે.
કચ્છમાં કોલ્ડવેવની આગાહી યથાવત
કચ્છમાં કોલ્ડવેવની આગાહી વચ્ચે ઉત્તરીય ભાગોમાં હિમવર્ષાના કારણે રાજ્યનું તાપમાન નિચું રહેશે. ઉત્તર ગુજરાતમાં ઠંડી યથાવત છે. ગઈ કાલે ડીસામાં 8 ડિગ્રી જેટલું તાપમાન નીચે ગયું હતું.