JNU હિંસા / FSLની ટીમ JNUમાં પુરાવા મેળવવા પહોંચી, દરેક એન્ગલથી થશે તપાસ

એક્સપર્ટ્સની ટીમ ઘટના સ્થળે પહોંચી

ફિજિક્સ વિભાગની ટીમ હિંસા માટે ઉપયોગમાં લેવાયેલા પથ્થર અને રોડને કલેક્ટ કરવાની કોશિશ કરશે. તેના દ્વારા જ બુકાનીધારી લોકોએ હોસ્ટેલમાં હિંસા ફેલાવી હતી. હિંસામાં જો કોઇપણ પ્રકારના રસાયણનો ઉપયોગ થયો છે તો કેમિસ્ટ્રી વિભાગ તેની તપાસ કરશે અને ડીએનએ (DNA) સેમ્પલ સહિત બીજા પુરાવાની તપાસ બાયોલોજી વિભાગના એક્સપર્ટ્સ કરશે. એફએસએલ (FSL) વિભાગની એક ફોટો એક્સપર્ટ્સની ટીમ પણ ઘટના સ્થળ પર પહોંચી છે. 

ક્રાઇમ બ્રાન્ચની ટીમ પહોંચી CCTV તપાસ માટે

દિલ્હી પોલીસની ક્રાઇમ બ્રાન્ચ પણ CCTV ફુટેજની તપાસ કરવા માટે પહોંચી. જોકે, 4 જાન્યુઆરીએ કથિત રીતે સર્વર તોડી દેવામાં આવ્યું હતું, જે કારણે ફુટેજ જાહેર થઇ શકી નહોતી. 

કોમ્પ્યૂટર ફોરેન્સિક એક્સપર્ટ પણ કરશે તપાસ

દિલ્હી પોલીસે એફએસએલથી એક કોમ્પ્યૂટર ફોરેન્સિક ટીમને પણ CCTV ફૂટેજની તપાસ કરવા માટે મોકલવા માટે અનુરોધ કર્યો છે. માનવામાં આવી રહ્યું છે કે, બુધવારે ટીમ સીસીટીવીની તપાસ કરવા માટે પહોંચશે. 

જેએનયુ (JNU) ની સુરક્ષા વધારવામાં આવી

રવિવારે થયેલી હિંસા બાદ જેએનયુની સુરક્ષા વ્યવસ્થા કડક કરવામાં આવી છે. જેએનયુના વિભિન્ન દરવાજાઓ પર સુરક્ષા માટે પોલીસ દળોને તહેનાત કરવામાં આવ્યા છે. દિલ્હી પોલીસની ક્રાઇમ બ્રાન્ચ મામલાની તપાસ કરી રહી છે અને સોમવારે ઘટનાસ્થળે પહોંચી પુરાવા મેળવવાની કોશિશ કરવામાં આવી.