મોર્નિંગ સ્ટાર નામની એક વૈશ્વિક નાણાકીય સંસ્થાના અહેવાલ પ્રમાણે અલગ અલગ કંપનીઓના કુલ જંગી 526 કરોડ રુપિયા સંકટગ્રસ્ત યસ બેંકમાં મ્યુચ્યુઅલ ફંડ સ્વરૂપે રોકાયેલા છે. બીજી તરફ debt ક્ષેત્રે 2800 કરોડ સુધીની રકમ ફસાયેલી છે
દેવામાં ડૂબી ગયેલી યસ બેન્ક અત્યારે તેના ખરાબ સમયમાં છે. RBIએ યસ બેંક પર ઘણા નિયંત્રણો લાદ્યા છે. હવે યસ બેંકના ગ્રાહકો તેમના ખાતામાંથી ફક્ત 50 હજાર રૂપિયા જ ઉપાડી શકશે તેવું RBIએ એક નોટિફિકેશનમાં જાહેર કર્યું છે. આવી સ્થિતિમાં યસ બેંકના ખાતા ધારકોમાં ભયનું વાતાવરણ જોવા મળી રહ્યું છે.
કઈ કઈ કંપનીઓના મ્યુચ્યુઅલ ફંડ ફસાયેલા છે?
ભારતની ટોચની કંપનીઓ SBI મ્યુચ્યુઅલ ફંડ અને HDFC મ્યુચ્યુઅલ ફંડના આશરે 150 કરોડ રૂપિયા યસ બેન્કમાં રોકાયેલા છે.
આ રોકાણને ફાઇનાન્સની ભાષામાં મ્યુચ્યુઅલ ફંડ એક્સપોઝર કહે છે.
મ્યુચ્યુઅલ ફંડ
એક્સપોઝર
SBI MF
152 કરોડ રૂપિયા
HDFC MF
142 કરોડ રૂપિયા
Kotak MF
62 કરોડ રૂપિયા
Nippon India
61 કરોડ રૂપિયા
Franklin
35 કરોડ રૂપિયા
debt ક્ષેત્રે સ્થિતિ
debt ક્ષેત્રે નિપ્પોન ઇન્ડિયાના 1800 કરોડ રૂપિયા ફસાયેલા છે. નોંધનીય છે કે આ કંપનીઓમાં રૂપિયા રોકેલા રોકાણકારો અત્યારે ભયભીત છે.
debt ક્ષેત્ર
એક્સપોઝર
Nippon India
1806 કરોડ રૂપિયા
Franklin
475 કરોડ રૂપિયા
UTI MF
336 કરોડ રૂપિયા
Kotak MF
93 કરોડ રૂપિયા
Baroda MF
53 કરોડ રૂપિયા
શું કહ્યું નાણામંત્રી સીતારમણે?
યસ બેંકના સંકટ મુદ્દે કેન્દ્રીય નાણાં પ્રધાન નિર્મલા સીતારમણે ખાતા ધારકોને ખાતરી આપી છે કે સરકાર તેમના નાણાં ડૂબી જવા દેશે નહીં. બેંક ખાતાધારકોના પૈસા સલામત છે. ખાતા ધારકોને ચિંતા કરવાની કોઈ જરૂર નથી. નાણાં પ્રધાને કહ્યું કે રિઝર્વ બેંકના અધિકારીઓ આ સમસ્યા હલ કરવા માટે સતત કામ કરી રહ્યા છે.