ભારતમાં કોરોના મહામારી વકરતા રશિયા, ચીન, અમેરિકા, ફ્રાન્સ અને ઈઝરાયલને ભારતને મદદની ઓફર કરી છે.
રશિયા, ચીન, અમેરિકા, ફ્રાન્સ અને ઈઝરાયલે કરી મદદની ઓફર
દોસ્ત જ નહીં દુશ્મને પણ કરી મદદની ઓફર
રશિયા રેમડેસિવિર અને ઓક્સિજનના સપ્લાય આપવા તૈયાર
રશિયાએ કરી આ મદદની ઓફર
રશિયાએ ભારતને રેમડેસિવિર અને ઓક્સિજનના સપ્લાયની ઓફર કરી છે. ભારત રશિયાની મદદ સ્વીકારે તો આગામી 15 દિવસમાં રશિયામાંથી તેની આયાત શરુ થઈ શકે છે. રશિયા એક અઠવાડિયામાં 3 થી 4 લાખ રેમડેસિવિર ઈન્જેક્સનનો સપ્લાય પૂરો પાડી શકે છે.
ચીને કરી આ મદદ
ભારતના પડોશી ચીને પણ દેશની જરુરી સહાયતા પૂરી પાડવાની ઓફર કરી છે. ચીની વિદેશ મંત્રાલયના પ્રવક્તાએ જણાવ્યું કે ચીને ભારતમાં તાજેતરની બગડેલી હાલત અને મહામારીમાં ચિકિત્સા આપૂર્તીની અસ્થાયી અછતની નોંધ લીધી છે. મહામારીને કાબૂ કરવા માટે ચીન ભારતને દર સંભવ સહાયતા પ્રદાન કરવા તૈયાર છે.
ફ્રાન્સે કહ્યું તમામ મદદ કરવા તૈયાર
ફ્રાન્સના રાષ્ટ્રપતિ એમ્યુનલ મેંક્રોએ ભારતમાં કોરોનાના કેર અંગે સંવેદના વ્યક્ત કરતા મદદની ઓફર કરી છે. મેક્રોએ તેમના સંદેશમાં જણાવ્યું કે હું કોવિડ-19 નો સામનો કરી રહેલા ભારતીય લોકોને એકજૂટતાને સંદેશ આપવા માંગું છું. ફ્રાન્સ આ સંઘર્ષમાં તમારી સાથે છે. અમે દરેક પ્રકારની સહાયતા કરવા તૈયાર છીએ.
ઈઝરાયલે પણ ભારત પ્રત્યે દાખવી સંવેદના
ઈઝરાયલે પણ કોરોના પીડિત ભારત પ્રત્યે ગાઢ સંવેદના વ્યક્ત કરી છે. ઈઝરાયલના સત્તાવાર ટ્વિટર હેન્ડલના ટ્વિટમાં કહેવાયું કે અમે કોરોનાની સામે અમારા ગાઢ મિત્ર ભારતની સાથે છીએ. આ સંક્રમણ રુપી ટનલના છેડ પ્રકાશ છે. ત્યાં સુધી આપણે સુરક્ષિત રહીએ.
અમેરિકી સાંસદોએ પણ બાયડન સરકારને મદદ કરવાનું જણાવ્યું
અમેરિકાની ડેમોક્રેટિક પાર્ટીના સેનેટર એન્ડ માર્કે બાયડન સરકારને ભારતની તત્કાળ મદદ કરવાની વિનંતી કરી છે. તેમણે કહ્યું કે અમારી પાસે મદદ માટે સંસાધન છે અને ભારતને તેની જરુર છે માટે ભારતની શક્ય હોય તેટલી વધારે સહાય પૂરી પાડવી જોઈએ.