વિશાળતા / કેન્સરગ્રસ્ત ભારતીય બાળકે કહ્યું મારે શેખ હમદામને મળવું છે અને દુબઈના યુવરાજ દોડીને પહોંચી ગયા

• યુવરાજ શેખ હમદાને દિલને સ્પર્શી જનારી પહેલ કરી
• ત્રીજા તબક્કાના કેન્સરથી જજૂમી રહેલ હૈદરાબાદના અબ્દુલ્લા હુસૈનની ઇચ્છા પૂર્ણ થઇ
• હું તમારો પ્રશંસક છું. હું તમને મળવા માંગુ છુંઃ અબ્દુલ્લા

શેખ હમદામે બાળકની સાથે પોતાનો ફોટો પણ સોશિયલ મીડિયા પર પોસ્ટ કર્યો. ગલ્ફ ન્યૂઝે જણાવ્યું હતું કે ત્રીજા તબક્કાના કેન્સરથી જજૂમી રહેલ હૈદરાબાદના અબ્દુલ્લા હુસૈનને સોશિયલ મીડિયા દ્વારા ઇચ્છા વ્યક્ત કરી હતી કે તેઓ પોતાના આદર્શ શેખ હમદાનને મળવા માંગે છે જ્યાર બાદ એક સમાચાર ચેનલ પર આ સમાચાર જોવા મળ્યા હતા.

અબ્દુલ્લાએ એક વીડિયોમાં કહ્યું હતું કે, 'શેખ હમદામ ખુબ શાંત, સાહસી અને દયાળુ છે. હું તેમના પાલતુ પશુઓને મળવા માંગુ છું અને તેમના કપડા જોવા માંગુ છું.' અબ્દુલ્લાએ વીડિયોમાં એક બેનર પણ પકડેલું હતું, જેના પર લખ્યું હતું, શેખ હમદામ, હું તમારો પ્રશંસક છું. હું તમને મળવા માંગુ છું. ફઝા, હું તમને પ્રેમ કરું છું.

શેક હમદામ સાથે શુક્રવારે મુલાકાત બાદ અબ્દુલ્લાની માં નૌશીન ફાતિમાએ ગલ્ફ ન્યૂઝ સાથે વાતચીત દરમિયાન પોતાના બાળક અને પરિવારની ખુશી માટે આભાર વ્યક્ત કર્યો હતો. તેમણે કહ્યું કે મહામહિમ સાથે મુલાકાત બાદથી અબ્દુલ્લા બહુ ખુશ છે. તેને મળવું મારા દીકરા માટે સૌથી વધુ ઇચ્છા હતી. અલ્લાહનો આભાર છે તેની ઇચ્ચા પૂરી થઇ.

નૌશીને કહ્યું કે શેખ હમદામ સાથે મુલાકાત બાદ અબ્દુલ્લા તેનો વધુ પ્રશંસક બન્યો છે. હમદામે અબ્દુલ્લાની સાથે મુલાકાત બાદ ઇન્સ્ટાગ્રામ પર એક ફોટો પોસ્ટ કરીને લખ્યું હતું કે આજ આ સાહસી બાળકી સાથે મુલાકાત થઇ.