હેવાનિયત / તે લોકો ડ્રગ્સ આપીને શારીરિક શોષણ કરતાં...: ફ્લેટમાં કેદ 7 વિદેશી મહિલાઓની વેદના જાણી હચમચી જશો

• દક્ષિણ દિલ્હીના એક ફ્લેટમાં ચાલતો ધંધો
• યુવતીઓને ડ્રગ્સ આપીને શારીરિક શોષણ થતું
• યુવતીઓને નોકરીના બહાને ભારત બોલાવતા

કામની શોધમાં રહીમા (નામ બદલ્યું છે) એપ્રિલ 2019માં ટૂરિસ્ટ વિઝા પર ભારત આવી હતી. તેને ઉઝબેકિસ્તાનથી લાવનાર વચેટિયાઓએ તેનો પાસપોર્ટ અને સામાન છીનવી લીધો હતો. તેને દક્ષિણ દિલ્હીના એક ફ્લેટમાં એક ઓરડામાં બંધ કરી દેવામાં આવી હતી. પાસપોર્ટ વગર 26 વર્ષીય મહિલા પાસે વચેટિયાઓની માંગ પૂરી કરવા સિવાય બીજો કોઇ વિકલ્પ બચ્યો ન હતો. વચેટિયાઓએ તેને ફ્લેટમાં જે પણ આવે તેની શારીરિક જરૂરિયાતો પૂરી કરવા કહ્યું. એટલું જ નહીં, તેને ડ્રગ્સ લેવાની ફરજ પાડી હતી. આ રીતે રહીમા સંપૂર્ણપણે ડ્રગ્સ અને સેક્સની માયાજાળમાં ફસાઈ ગઈ. તેનું જીવન નરક બની ગયું. આવી કુલ સાત વિદેશી મહિલાઓ ત્યાં ફસાઈ હતી.

દરરોજ ડ્રગ્સ આપતા હતા
રહીમાએ કહ્યું કે ગ્રાહકને ના પાડવા અથવા ભાગવાનો પ્રયાસ કરવા બદલ તેને માર મારવામાં આવતો હતો. તેણી અને તેના જેવી ઘણી યુવતીઓને દરરોજ ડ્રગ્સ લેવાની ફરજ પાડવામાં આવતી હતી. પરિસ્થિતિ એવી હતી કે કેટલીક છોકરીઓને તેની આદત પડી ગઈ હતી. "અમને કોઈ પૈસા આપવામાં આવ્યા ન હતા. તે અમારા માટે વધુ મુશ્કેલ હતું કારણ કે અમે સ્થાનિક ભાષા જાણતા ન હતા. તે સાત છોકરીઓમાં શામેલ છે જે તે નરકમાંથી છટકીને ચાણક્યપુરીમાં ઉઝબેકિસ્તાન દૂતાવાસ સુધી પહોંચવામાં સફળ રહી હતી. જો કે, ત્યાં કોઈ માન્ય ઓળખ દસ્તાવેજ ન હોવાને કારણે તે દૂતાવાસના પરિસરમાં પ્રવેશી શકી ન હતી.

દિલ્હી પોલીસે કેસ દાખલ કર્યો
મહિલાઓનું નસીબ સારું હતું, એમ્પાવરિંગ હ્યુમનિટી એનજીઓએ તેમને બચાવ્યા હતા. આ પછી, દિલ્હી પોલીસે સોમવારે ચાણક્યપુરી પોલીસ સ્ટેશનમાં અપહરણ, લુટ, ગુનાહિત કાવતરું, ખંડણી સહિતની અનેક કલમો હેઠળ કેસ નોંધ્યો હતો. પોલીસે આંતરરાષ્ટ્રીય રેકેટનો પર્દાફાશ કર્યો છે અને પાંચ વ્યક્તિઓની ધરપકડ કરી છે.

આ મહિલાઓને બાળકો પણ છે
એકને બાદ કરતા બીજી બધી પીડિત મહિલાઓના ઘરે બાળકો છે. મોટાભાગની મહિલાઓએ જણાવ્યું હતું કે તેઓએ નાની ઉંમરે લગ્ન કરી લીધા હતા, તેમને બાળકો હતા અને બાદમાં પતિઓ દ્વારા તેમને ત્યજી દેવામાં આવ્યા હતા. એકે કહ્યું કે, 17 વર્ષની ઉંમરે તેને ઓક્ટોબર 2019માં લાવવામાં આવી હતી. એક મહિલાની ઉંમર 30 વર્ષ છે અને તેને એક બાળક છે જેના હૃદયમાં કાણું છે. અન્ય એક મહિલા, 22 વર્ષીય મહિલા, આ વર્ષે જાન્યુઆરીમાં શહેરમાં આવી હતી.

તેઓ ડ્રગ્સ આપીને સેક્સ કરતા હતા
રહીમાને એક બાળક પણ છે. પતિના ગયા બાદ તે નોકરી શોધી રહી હતી અને તેને દિલ્હીથી ઓફર મળી હતી. તે ટૂરિસ્ટ વિઝા પર શહેરમાં આવી હતી, પરંતુ પાછળથી તેને એવી જગ્યાએ લઈ જવામાં આવી હતી જેનું નામ તે જાણતી ન હતી. તેણે જણાવ્યું કે, "મારા રૂમનો દરવાજો હંમેશાં બંધ જ રહેતો હતો. અમને બહાર જવાની મંજૂરી નહોતી. જો અમે જતાં, તો સાથે દલાલો પણ આવતા. તેઓ અમને ડ્રગ્સ આપતા અને જ્યારે અમે ના પાડી ત્યારે તેઓ અમને બળજબરીથી આપતા. કેટલાક ગ્રાહકોએ પણ તેને ડ્રગ્સ આપ્યું હતું. એક સમય એવો હતો જ્યારે 10 પુરુષો એક સાથે સેક્સ કરતા. "

ડોક્યુમેન્ટ્સ અને પાસપોર્ટ છીનવી લેવામાં આવતા
હ્યુમન એમ્પાવર આ મહિલાઓ વતી પોલીસ કેસ દાખલ કરવામાં મદદ કરી. એફઆઇઆર મુજબ આ મહિલાઓને ભારતમાં તસ્કરી કરવામાં આવતી હતી. તેમને નેપાળમાં ટૂરિસ્ટ વિઝા આપવામાં આવ્યા હતા અને તેમાંથી કેટલાક જુદા જુદા સમયે મેડિકલ વિઝા પર ભારત આવ્યા હતા. તેમને વિઝા છીનવી લેવામાં આવ્યા હતા અને નવી દિલ્હી લાવવામાં આવ્યા હતા અને વેશ્યાઓ બનવાની ફરજ પડી હતી. કેટલીક મહિલાઓએ કહ્યું કે તેઓ મેડિકલ કે અન્ય વિઝા પર સીધા ભારત આવ્યા છે અને તેમના ટ્રાવેલ ડોક્યુમેન્ટ્સ અને પાસપોર્ટ આવતા જ તેમની પાસેથી છીનવી લેવામાં આવ્યા હતા.

દલાલોની ચુંગાલમાંથી મુક્ત થયા પણ...
જુલાઇમાં માનવ તસ્કરો વિરુદ્ધ કામ કરતા દિલ્હી પોલીસ યુનિટે મહિલાઓ અને વિદેશી નાગરિકો સહિત એક ડઝન લોકોની ધરપકડ કરી હતી. તેઓ ગેરકાયદેસર રીતે બહારથી મહિલાઓને ભારત લાવતા હતા. પોલીસે 11 મહિલાઓને પણ બચાવી લીધી હતી જેઓ હાલમાં ડીટેન્શન કેન્દ્રોમાં છે કારણ કે તેમની પાસે કોઈ માન્ય મુસાફરીના દસ્તાવેજો નથી. મહિલાઓએ દાવો કર્યો છે કે તેમને ભારતમાં નોકરીની ઓફર કરવામાં આવી હતી, પરંતુ તેઓ આવતાની સાથે જ દેહ વ્યાપારમાં ધકેલી દેવામાં આવ્યા હતા, એમ એક તપાસ અધિકારીએ જણાવ્યું હતું.

ઘણા દસ્તાવેજો મળી આવ્યા
એક પોલીસ અધિકારીએ જણાવ્યું હતું કે, "અમે ફોરેનર્સ રજિસ્ટ્રેશન ઓફિસ પાસેથી એ નક્કી કરવા માટે માહિતી લઈ રહ્યા છીએ કે કોણ માન્ય વિઝા પર આવ્યું હતું અને કોને ભારતમાં દાણચોરીથી લાવવામાં આવ્યા હતા." આ કેસની તપાસ હજુ પણ ચાલી રહી છે અને અત્યારે ઘણા લોકોની ધરપકડ કરવામાં આવી શકે છે. ઉજ્બેકિસ્તાનથી મહિલાઓને દિલ્હી લાવવાના આ રેકેટમાં ઘણા લોકો સામેલ હોઈ શકે છે. દરોડા દરમિયાન ઘણા દસ્તાવેજો મળી આવ્યા છે અને અમે કેટલીક મહિલાઓને પણ શોધી રહ્યા છીએ.

પીડિતો પોતે જ આરોપી
સામાજિક કાર્યકર્તા અને એમ્પાવરિંગ હ્યુમનિટીના સ્વયંસેવક હેમંત શર્માએ જણાવ્યું હતું કે, તેમની પાસે માન્ય દસ્તાવેજો ન હોવાથી વચેટિયાઓથી મુક્તિ બાદ પણ તેમને શાંતિ મળી નથી. મુદ્દો એ છે કે પીડિતો પોતે જ આરોપી બની ગયા હતા કારણ કે તેઓ ઓળખ અને મુસાફરીના દસ્તાવેજો બતાવી શક્યા ન હતા, જે તસ્કરોએ તેમની પાસેથી છીનવી લીધા છે.