દુર્ઘટના / રવિવારે ત્રણ અલગ અલગ અકસ્માતની ઘટનાઓમાં કુલ સાત લોકોના મોત, ભાવનગરમાં માતા-પુત્રનું મોત

• ભાવનગરના ચિત્રા નજીક અકસ્માતે માતા-પુત્રનું મોત 
• અમદાવાદના વસ્ત્રાલ રિંગ રોડ પર પર અકસ્માતમાં મહિલાનું મોત
• રાજસ્થાનના જોધપુર નજીક ટ્રક અને બસનો અકસ્માત, 4ના મોત

ભાવનગરમાં માતા-પુત્રનું મોત

ભાવનગરના ચિત્રા નજીક અકસ્માતે માતા-પુત્રનું મોત થયા હતા. ગૌરવપથ રોડ ઉપર ટ્રક ચાલકે બાઇકને  ટક્કર મારી હતી. બાઈક સવાર 3 માંથી માતા-પુત્રનું ઘટનાસ્થળે મોત નિપજ્યું હતું. આ ઘટના બાદ ટ્રકચાલક શખ્સ ઘટનાસ્થળેથી ફરાર થઇ ગયો છે. પોલીસે ઘટનાસ્થળે પહોચીને વધુ કાર્યવાહી હાથધરી છે.

અમદાવાદમાં મહિલાનું ઘટનાસ્થળે મોત

અમદાવાદના વસ્ત્રાલ રિંગ રોડ પર અકસ્માતમાં મહિલાનું મોત થયુ હતું. ટેમ્પો ચાલકે ટક્કર મારતા મહિલાનું મોત નિપજ્યું. મળતી માહિતી મુજબ મહિલા રોડ ક્રોસ કરી રહી હતી ત્યારે ટેમ્પો ચાલકે મહિલાને અડફેટે લીધી હતી. અકસ્માતમાં મહિલાનું ઘટનાસ્થળે મોત નિપજ્યું. અકસ્માતમાં મહિલાનો હાથ છુટો પડ્યો હતો. અકસ્માત બાદ ટેમ્પો ચાલકે ઘટનાસ્થળથી ફરાર થયો હતો. આ ઘટનાની જાણ થતા પોલીસકર્મીઓ ઘટનાસ્થળે પહોંચ્યા હતા. પોલીસે અકસ્માતનો ગુનો નોંધીને વધુ તપાસ હાથધરી છે.

રાજસ્થાનમાં 4 લોકોના મોત

રાજસ્થાનના જોધપુર નજીક ટ્રક અને બસનો અકસ્માત થયો હતો. જેમાં 4 લોકોના મોત નિપજ્યા હતા. જ્યારે અન્ય 20 મુસાફરો ઇજાગ્રસ્ત થયા છે. ઇજાગ્રસ્તોને સારવાર માટે હોસ્પિટલ ખસેડવામાં આવ્યા હતા.