વરસાદની આગાહી / 60 કિમીની ઝડપથી ફૂંકાશે પવન, મન મૂકીને વરસશે મેહુલિયો, આ જીલ્લાઓમાં યલો એલર્ટ

રાજ્યમાં હાલ વરસાદે વિરામ લીધો છે. હવામાન વિભાગે આગાહી કરી છે કે આગામી પાંચ દિવસ ગુજરાતમાં વરસાદને લઈ આગાહી કરી છે. હવામાન વિભાગ દ્વારા ત્રણ દિવસ ભારે વરસાદનું એલર્ટ આપવામાં આવ્યું છે. તેમજ માછીમારોને દરિયો ન ખેડતા સૂચના પણ આપવામાં આવી છે.

સાત દિવસ રાજ્યમાં છૂટા છવાયા વરસાદની આગાહી

હવામાન વિભાગનાં વૈજ્ઞાનિક રામાશ્રય યાદવે જણાવ્યું હતું કે સાત દિવસ રાજ્યમાં છૂટા છવાયા વરસાદની આગાહી કરવામાં આવી છે. દક્ષિણ ગુજરાતનાં વલસાડ, નવસારી, દમણ અને નગર હવેલીમાં ભારે વરસાદની આગાહી કરવામાં આવી છે.

આવતીકાલે નવસારી,વલસાડ અને દમણમાં યલો એલર્ટ

હવામાન વિભાગ દ્વારા સાત દિવસમાં ગુજરાતનાં અનેક જીલ્લામાં છૂટા છવાયા વરસાદની આગાહી કરવામાં આવી છે. જ્યારે આઠમી ઓગસ્ટે રાજ્યનાં કેટલાક જીલ્લાઓમાં ભારે વરસાદની સંભાવનાં વ્યક્ત કરવામાં આવી છે. હવામાન વિભાગ દ્વારા દક્ષિણ ગુજરાતનાં નવસારી, વલસાડ, દમણ, દાદરા નગર હવેલીમાં યલો એલર્ટ આપવામાં આવ્યું છે.

55થી 60 કિલોમીટર પ્રતિ કલાકની ઝડપે ફૂંકાઈ શકે પવન

રામાશ્રય યાદવ દ્વારા નવમી ઓગસ્ટનાં રોજ ભાવનગર, બનાસકાંઠા, સાબરકાંઠ, ભરૂચ, સુરત, નવસારી, વલસાડ, દમણ અને દાદરા નગર હવેલીમાં વરસાદની આગાહી કરવામાં આવી છે.

વધુ વાંચોઃ મેઘરાજા આ તારીખથી ફરી ગુજરાતને ધમરોળશે, અંબાલાલ પટેલની ભારે વરસાદની આગાહી

માછીમારોને 5 દિવસ દરિયો ન ખેડવા સૂચના

10 ઓગસ્ટનાં રોજ હવામાન વિભાગ દ્વારા સૌરાષ્ટ્ર, ઉત્તર ગુજરાત સહિતનાં વિસ્તારો જેવા કે ભાવનગર, બનાસકાંઠા, સાબરકાંઠા, નવસારી, દમણમાં વરસાદની આગાહી કરવામાં આવી છે. જ્યારે આગામી ત્રણ દિવસ રાજ્યનાં તમામ તાલુકામાં ગાજવીજ સાથે વરસાદની ચેતવણી આપવામાં આવી છે. તેમજ આગામી પાંચ દિવસ માછીમારોને દરિયો ન ખેડવાની ચેતવણી પણ આપવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ