ડ્રગ્સ કેસ / આર્યનખાનનો જેલવાસ લંબાયો, સેશન્સ કોર્ટે 30 ઓક્ટોબર સુધી લંબાવી જ્યુડિશિયલ કસ્ટડી

• ડ્રગ્સ કેસના આરોપી આર્યનખાનને ઝટકો
• સેશન્સ કોર્ટે 30 ઓક્ટોબર સુધી લંબાવી જ્યુડિશિયલ કસ્ટડી
• 7 ઓક્ટોબરે 14 દિવસની કસ્ટડીમાં મોકલાયો હતો
• આજે મુદત પૂરી થતા ફરી વાર કસ્ટડી લંબાવાઈ 

મુંબઈની સ્પેશિયલ એનસીબી કોર્ટે આર્યન, અરબાઝ સહિત આઠ આરોપીઓની ન્યાયિક કસ્ટડી 30 ઓક્ટોબર સુધી લંબાવી દીધી છે. 

બીજી વાર જ્યુડિશિયલ કસ્ટડી લંબાવાઈ 
7 ઓક્ટોબરે મુંબઈ સ્પેશિયલ કોર્ટે આરોપી આર્યનખાનને 14 દિવસની જ્યુડિશિયલ કસ્ટડીમાં મોકલી આપ્યો હતો આજે કસ્ટડીની મુદત પૂરી થઈ હતી જેને પગલે કોર્ટે તેને 30 ઓક્ટોબર સુધી લંબાવી દીધી છે. 

 શાહરૂખ જેલમાં જઈને આર્યનખાનને મળ્યો 
મુંબઈની આર્થર રોડ જેલમાં બંધ આર્યન ખાનને ગુરુવારે સવારે તેના પિતા શાહરૂખે મુલાકાત કરી હતી.  ડ્રગ્સ કેસમાં પકડાયા બાદ શાહરૂખની આર્યન સાથેની આ પહેલી મુલાકાત હતી. બોલિવૂડસુપરસ્ટાર ગુરુવારે સવારે તેના પુત્રને મળવા આર્થર રોડ જેલમાં પહોંચ્યો હતો જ્યાં ઘણા મીડિયા કર્મીઓની હાજરી પણ જોવા મળી હતી. બંનેએ 15-18 મિનિટ સુધી વાતચીત કરી હતી. જોકે બંને વચ્ચે કાચની દીવાલ હતી અને બંનેએ ઇન્ટરકોમ દ્વારા વાત કરી હતી.

 ડ્રગ ચેટિંગના મામલે અનન્યા પાંડેની પૂછપરછ
આર્યન ખાન સાથે ડ્રગ ચેટિંગના મામલે ગુરુવારે બપોરે બોલિવૂડ અભિનેત્રી અનન્યા પાંડેની પણ પૂછપરછ કરવામાં આવી રહી છે. મુંબઈ એનસીબીના ચીફ ઓફિસર સમીર વાનખેડે પોતે આગેવાની લઈ રહ્યા છે અને અનન્યાની પૂછપરછ કરી રહ્યા છે. સૂત્રોના જણાવ્યા અનુસાર અનન્યાને ડ્રગ્સ કેસ અંગે આર્યન ખાન સાથે ચેટિંગ કરવા અંગે પૂછપરછ કરવામાં આવી રહી છે. તપાસ એજન્સી ગુરુવારે સવારે અનન્યા પાંડેના ઘરે પહોંચી હતી અને બપોરે તેને તપાસમાં જોડાવા માટે બોલાવ્યો હતો. જોકે અભિનેત્રી નિર્ધારિત સમય કરતા થોડા સમય બાદ એનસીબી ઓફિસ પહોંચી હતી. તેની સાથે પિતા ચંકી પાંડે પણ હતા.