બેસ્ટ ટિપ્સ / શિયાળામાં આ 1 ઓઈલનો ઉપયોગ કરશો તો ફેસ પર કંઈ જ લગાવવું નહીં પડે, ચહેરાની કરચલીઓ પણ થશે દૂર

• સ્કિન પર જાદુઈ અસર કરે છે તલનું તેલ
• નેચરલ મોઈશ્ચરાઈઝરનું કામ કરે છે તલનું તેલ
• ચહેરા પર રહેલી કરચલીઓ કરે છે દૂર

સ્કિનની સમસ્યાઓને દૂર કરવા માટે બજારમાં નિતનવા ઓઈલ જેમ કે, ઓલિવ ઓઈલ, ટી ટ્રી ઓઈલ, લવન્ડર ઓઈલ વગેરે મળે છે. પરંતુ આ બધાંમાં સૌથી બેસ્ટ અને અસરકારક રિઝલ્ટ આપે છે તલનું તેલ. શિયાળામાં તલનું તેલ સ્કિન માટે વરદાન સમાન છે. તેનાથી સ્કિનને ગજબના ફાયદા થાય છે. તલના તેલમાં એન્ટીઓક્સીડેન્ટ, એન્ટીઈન્ફ્લામેટરી અને એન્ટીબેક્ટેરિયલ પ્રોપર્ટીસ હોય છે. જેથી તે સ્કિન માટે બહુ જ લાભકારી છે. 

આ રીતે કરો ઉપયોગ

રોજ રાતે ફેસ વોશ કરી લીધા બાદ 4-5 ડ્રોપ તલનું તેલ લઈને ચહેરા પર લગાવો અને પછી હળવા હાથે સર્ક્યુલર મોશનમાં ફેસ પર મસાજ કરો અને સવારે ફેસ વોશ કરી લો. આ સિવાય જો તમારી સ્કિન વધુ ડ્રાય રહેતી હોય તો તમે દિવસે પણ ફેસ પર આ ઓઈલ લગાવી શકો. સાથે જ જો તમારા હાથ-પગની સ્કિન વધુ ફાટતી હોય તો તલનું તેલ બેસ્ટ મોઈશ્ચરાઈઝરનું કામ કરશે. તમે સ્નાન કરતાં પહેલાં આખી બોડી પર તલના તેલથી મસાજ કરી શકો છો. 

ફાયદા

• તલના તેલમાં રહેલાં તત્વો સ્કિન પર જાદુઈ અસર કરે છે. તે સ્કિનની દરેક સમસ્યાને દૂર કરવામાં મદદ કરે છે. સાથે જ સ્કિન પરના ખીલ, ડાઘા દૂર કરી ગ્લો વધારે છે. 
• રોજ તલના તેલથી ફેસ પર મસાજ કરવાથી ચહેરા પર રહેલી કરચલીઓ દૂર થાય છે અને તે એજિંગ ઈફેક્ટને પણ દૂર કરે છે. 
• તલના તેલમાં વિટામિન બી, ડી અને ઈ ભરપૂર પ્રમાણમાં હોય છે. આ ન્યૂટ્રિઅન્ટ્સ સ્કિનને નરિશ કરે છે અને શાઈન વધારે છે. 
• તલનું તેલ સ્કિનમાં મોઈશ્ચર લોક કરી દે છે અને એક નેચરલ મોઈશ્ચરાઈઝરની જેમ કામ કરે છે. 
• તલમાં એન્ટીઈન્ફ્લામેટરી અને એન્ટીમાઈક્રોબિયલ પ્રોપર્ટી હોવાથી તે ફેસ પર રહેલાં ડર્ટને દૂર કરે છે અને સોજાની સમસ્યામાં પણ આરામ આપે છે. 
• તલના તેલમાં ફેટી એસિડ્સ હોય છે. જે ચહેરાનો ગ્લો વધારે છે અને ચહેરાના ડાર્ક સ્પોટ્સ પણ દૂર કરે છે. 
• એક વાતનું ધ્યાન રાખવું કે તલનું તેલ ઓર્ગેનિક હોવું જોઈએ, કારણ કે બજારમાં હાલ ઘણાં મિલાવટવાળા તેલ ઉપલબ્ધ છે.