મોંઘવારીમાં રાહત / રેસ્ટોરન્ટમાં ખાવાનું ખાનાર લોકોની બલ્લે બલ્લે, સરકારના આ નિર્ણયથી સસ્તું થયું લંચ-ડિનર

• રેસ્ટોરન્ટ અને હોટલમાં ખાવાનું થયું સસ્તું
• રેસ્ટોરન્ટ અને હોટલ હવે નહીં લઈ શકે સર્વિસ ચાર્જ
• 2 જુને મળેલી બેઠકમાં સરકારે આપ્યો મોટો નિર્દેશ 

રેસ્ટોરન્ટ અને હોટલમાં જમવાના શૌખીન લોકો માટે સારા સમાચાર છે. હોટલો હવેથી ગ્રાહકો પાસેથી સર્વિસ ટેક્સ નહીં લઈ શકે. 2 જુને એક મોટી બેઠક મળી હતી જેમાં ઉપભોક્તા બાબતોના વિભાગે હોટલ અને રેસ્ટોરન્ટ્સને ગ્રાહકો પાસેથી સર્વિસ ચાર્જ ન વસૂલવાનો આદેશ આપ્યો છે. ગુરૂવારે સરકાર દ્વારા એ વાતને લીલીઝંડી આપી દેવામાં આવી હતી કે, બોર્ડમાં રેસ્ટોરન્ટ ડીલર્સ વતી લેવામાં આવેલા તમામ ટેક્સ સંપૂર્ણપણે ગેરકાયદે છે.ને કાનૂની અધિકાર મળશે. હોટલ એન્ડ રેસ્ટોરન્ટ એસોસિએશનને તાત્કાલિક આ પ્રથા બંધ કરવા કહેવામાં આવ્યું છે.

સર્વિસ ચાર્જ વસૂલવો ગેરકાનૂની 
સરકાર રેસ્ટોરન્ટ ડીલર્સ વતી વસૂલવામાં આવતા તમામ ચાર્જના કાયદામાં ફેરફાર કરવાના પક્ષમાં છે. આનાથી ગ્રાહક વધુ શક્તિશાળી બનશે. ગ્રાહક બાબતોના વિભાગે ગુરુવારે (2 જૂન) આ અંગે કડક રીતે એક મોટી બેઠક બોલાવી હતી. આ મિટિંગમાં હોટલ એસોસિએશને સ્પસ્ટ કહેવામાં આવ્યું કે સર્વિસ ચાર્જ વસૂલવો ગેરકાનૂની છે. 

ગ્રાહકોને મળશે કાનૂની અધિકારો 
આ માટે સરકાર ટૂંક સમયમાં ગ્રાહકોને કાનૂની અધિકાર આપશે. 2017ના કાયદા મુજબ તમામ ચાર્જ ચૂકવવો કે ન ચૂકવવો તે ગ્રાહકની પસંદગી હતી. જો ગ્રાહક ન ઇચ્છે તો તે આપવાની ના પાડી શકે છે. 

ગ્રાહકોની ફરિયાદો પર  નિર્ણય લેવામાં આવ્યો 
આ બેઠકમાં અન્ય ઘણા મુદ્દાઓ પર ચર્ચા કરવામાં આવી હતી. હોટેલ એસોસિએશન ઉપરાંત આ બેઠકમાં ઝોમેટો, સ્વિગી, દિલ્હીવેરી, ઝેપ્ટો, ઓલા, ઉબેર જેવા પ્રોવાઇડર્સના પ્રતિનિધિઓ હાજર રહ્યા હતા. કસ્ટમર હેલ્પલાઈન પર આ અંગે સતત ફરિયાદો થતી જોઈને સરકારે આ મોટો નિર્ણય લીધો છે.

સર્વિસ ચાર્જની ગાઈડલાઈન્સ 
ભારત સરકાર દ્વારા 21 એપ્રિલ 2017ના રોજ સર્વિસ ચાર્જને લઇને જાહેર કરવામાં આવેલી ગાઇડલાઇન્સમાં જણાવવામાં આવ્યું હતું કે, ઘણી વખત ગ્રાહક બિલમાં સર્વિસ ચાર્જ ભર્યા બાદ પણ તેઓ બિલમાં જે ચાર્જ લાગશે તે ટેક્સનો ભાગ હશે તેવું વિચારીને વેઇટરને અલગથી ટિપ આપે છે. તેમાં જે ફૂડ લખેલું હોય છે તેની કિંમત માનવામાં આવે છે કે આ સર્વિસ ફૂડના ભાવ સાથે સંકળાયેલી છે.