ભારતમાં કોરોના સામે લડી રહેલા લોકો માટે સારા સમાચાર છે. વેક્સીન બનાવનારી દુનિયાની સૌથી મોટી કંપનીએ કહ્યું કે તે ભારતમાં સૌથી પહેલાં વેક્સીન આપવા માટે કામ કરી રહી છે. તેનું લક્ષ્ય એ વાત પર છે કે ભારતમાં સૌથી પહેલાં વેક્સીન અપાય. કંપની ભારતની છે માટે તે સૌ પહેલાં આ દેશને જ ફાયદો આપશે.
સીરમ ઈન્સ્ટિટ્યૂટનો દાવો
સૌથી પહેલાં ભારતને આપશે કોરોના વેક્સીન
કંપની ભારતમાં તૈયાર કરી રહી છે કોરોના વેક્સીન
સીરમ ઈન્સ્ટિટ્યૂટના ચીફ એક્ઝિક્યુટિવ અદાર પૂનાવાલાએ કહ્યું કે તેમની કંપનીનું ફોકસ એસ્ટ્રાજેનેકાની વેક્સીન સૌ પહેલાં ભારતમાં આપવા પર છે. કંપની વેક્સીનનું ઉત્પાદન પણ ભારતમાં જ કરી રહી છે. માટે ભારત બાદ અન્ય દેશમાં તેનું સપ્લાય શરૂ કરાશે.
ભારતને અપાશે પહેલાં પ્રાથમિકતા
અદાર પૂનાવાલાએ કહ્યું અમારી જવાબદારી છે કે પહેલાં દેશની ચિંતા કરીએ. આ પછી અમે કોવૈક્સ ફેસિલિટી પર જઈશું પછી અન્ય ડીલની વાત કરીશું. અમારા ફોકસમાં પહેલાં ભારતીયો છે. તેઓએ કહ્યું કે અમે ભારત સરકાર સાથે વાત કરી રહ્યા છીએ કે તે વેક્સીન ખરીદે. 2021ના માર્ચ મહિના સુધી આ વેક્સીન આવી શકે છે અને કંપનીનો દાવો છે કે આ વેક્સીન કોરોના રોકવામાં 90 ટકા સુધી પ્રભાવિત પણ છે.
વેક્સીન કંપનીએ કર્યો આ દાવો
એસ્ટ્રાજેનેકાએ દાવો કર્યો છે કે તેમની વેક્સીન દુનિયાની સૌથી સસ્તી, સુરક્ષિત અને સક્ષમ વેક્સીન છે. કંપનીએ કહ્યું કે તેમની પાસે સસ્તા ઉત્પાદન અને વિતરણની નીતિ તૈયાર છે. સીરમ ઈન્સ્ટિટયૂટ અને એસ્ટ્રાજેનેકા વર્ષના અંતમાં સરકાર પાસે અરજી આપશે કે તેમની વેક્સીનનો તત્કાલીન ઉપયોગ કરવાની પરમિશન આપે.
પૂનાવાલાએ કહ્યું કે ફેબ્રુઆરી કે માર્ચમાં આવશે વેક્સીન
કંપનીના ચીફ એક્ઝીક્યૂટિવે કહ્યું કે તેમની વેક્સીન ફેબ્રુઆરી કે માર્ચ 2021 સુધીમાં આવશે. કંપનીની વેક્સીનના એક ડોઝની કિંમત 1000 રૂપિયા આવી રહી છે. સરકાર મોટા પાટે સપ્લાય કરવાનું કહે તો કિંમત ઘટી શકે છે. વેક્સીનની કિંમત દવાના સપ્લાયના આદેશ અનુસાર નક્કી થશે.
40 કરોડ ડોઝ જુલાઈ 2021 સુધી થશે તૈયાર
પૂનાવાલાએ કહ્યું કે SIIની પાસે અધિકાર છે કે તે 5 ડઝનથી વધારે દેશની સાથે સીધી વેક્સીનને લઈને કરાર કરે. તે એસ્ટ્રાજેનેકાની સાથે કરારના આધારે કરી શકે છે. તેમનો દાવો છે કે ભારતીય યૂનિટથી એસ્ટ્રાજેનેકાની વેક્સીનના 40 કરોડ ડોઝ જુલાઈ 2021 સુધી આપવામાં આવી શકે છે.