રસી / PM મોદીની મુલાકાત બાદ રસીને લઈને મોટા સમાચાર, કોવિશીલ્ડ વૅક્સિનને લઈને પૂનાવાલાનું મોટું નિવેદન

• સિરમના સીઇઓ આદર પૂનાવાલાએ આપ્યું મોટું નિવેદન 
• પૂનાવાલાએ કહ્યું કે ઈમરજન્સી ઉપયોગ કરવા માટે બે અઠવાડિયામાં અપ્લાય કરીશું 
• સૌથી પહેલા કોરોના વેક્સિનનું વિતરણ ભારતમાં કરાશે : આદર 

પ્રધાનમંત્રી નરેન્દ્ર મોદીએ શનિવારે પૂણેની સીરમ ઇન્સ્ટિટ્યૂટ ઓફ ઇન્ડિયાની મુલાકાત લીધી હતી. આ દરમિયાન, સીરમ ઇન્સ્ટિટ્યૂટના સીઇઓ, આદર પૂનાવાલાએ કહ્યું કે, અમે આગામી બે અઠવાડિયામાં કોવિશિલ્ડની ઇમરજન્સી ઉપયોગની ઓથોરિટી માટે અરજી કરવાની તૈયારીમાં છે. તેમણે કહ્યું કે પરિણામ ખૂબ સારા આવી રહ્યા છે અને ખૂબ જલ્દી સપ્લાય કરવામાં આવશે. 

We have built the largest pandemic level facility in Pune & our new campus in Mandri. That was also showcased to the PM with a tour around the facility & a lot of detailed discussions: Serum Institute of India CEO Adar Poonawalla https://t.co/yOFWjwrVuW pic.twitter.com/BkNjfo9P4k

— ANI (@ANI) November 28, 2020

પીએમ મોદીએ કર્યુ આજે રસીભ્રમણ

કોરોના વેક્સિન ડેવલપમેન્ટની તૈયારીઓની સમીક્ષાને લઈને આજે પીએમ મોદી ત્રણ વેક્સિન પ્રયોગશાળાઓની મુલાકાતે હતા, જેના ભાગરૂપે હવે તેઓ પૂણેમાં પહોંચી ગયા છે, અહી હાલ તેઓ સીરમ ઇન્સ્ટિટ્યૂટના વૈજ્ઞાનિકો સાથે મુલાકાત કરી હતી, સાથે જ કંપનીના સીઇઓ અદાર પૂનાવાલા સાથે પણ વાતચીત કરી હતી.

સીરમ ઈન્સ્ટિટ્યૂટમાં રસી વિશે જાણકારી મેળવી : PM મોદી

પુણેની સીરમ ઇન્સ્ટીટયુટ ઓફ ઇન્ડિયાની મુલાકાત બાદ પીએમ મોદીએ ટ્વિટ કર્યું કે ટીમ સાથે ખૂબ સારી વાત થઇ. તેમણે અત્યાર સુધીની પ્રગતિ વિશે જાણકારી આપી અને વેક્સિન નિર્માણને લઈને આગળ વધવા માટે શું યોજના બનાવી છે તે વિશે જાણકારી આપી. 

હૈદરાબાદની ભારત બાયોટેકની લીધી મુલાકાત

પ્રધાનમંત્રી મોદીએ હૈદરાબાદની ભારત બાયોટેક પ્લાન્ટની મુલાકાત લીધી હતી અને સ્વદેશી કોરોના વેક્સિન કોવેક્સિન અંગેની માહિતી મેળવી હતી. જેના પછી તેમણે ટ્વિટ કર્યું હતું જેમઆ તેમણે કહ્યું હતું કે આજે સ્વદેશી રસી વિશે માહિતી મેળવી હતી, અને વૈજ્ઞાનિકોને ટ્રાયલ્સની પ્રગતિ માટે શુભેચ્છા પાઠવી હતી. આ ટીમ ICMRના સહયોગમાં વધુ પ્રગતિ માટે કામ કરી રહી છે. 

અમદાવાદમાં ઝાયડસ બાયોટેક મુલાકાત બાદ PM મોદીએ કહ્યું તમામ મદદ આપીશું 

આજે PM મોદીએ સૌપ્રથમ અમદાવાદની ઝાયડસની મુલાકાત લીધી હતી. આ મુદ્દે તેમણે ટ્વીટ પણ કર્યું હતું અને કહ્યું હતું કે આજે ડીએનએ બેઝડ ઝાયડસની કોરોના વેક્સિનની તૈયારીઓની સમીક્ષા કરી હતી, અને આ પ્રયત્નો પાછળની ટીમની કામગીરીને વધાવી હતી અને કહ્યું હતું કે ભારત સરકાર તેમના દરેક કદમમાં તેમને સહકાર આપવા માટે તેમની સાથે છે.