સિરમ ઈન્સ્ટીટ્યુટ ઓફ ઈન્ડીયાએ કોરોનાની તેની કોવોવેક્સ માટે DCGI ની મંજૂરી માગી છે.
સિરમની વયસ્કો માટેની કોવોવેક્સ આવશે
સિરમે DCGI પાસે માગી મંજૂરી
નવેમ્બરના અંતમાં આવે તેવી શક્યતા
સત્તાવાર સૂત્રોએ જણાવ્યું કે સિરમે ભારતીય વયસ્કો પર બીજા અને ત્રીજા તબક્કાના ક્લિનિકલ સ્ટડી રિપોર્ટ, નોવાવેક્સ બ્રિટનના વચગાળાના રિપોર્ટ અને યુએસએ-મેક્સિકો ત્રીજા તબક્કાના ક્લિનકિલ સ્ટડી અને ડીસીજીઆઈ કાર્યાલય વતી પૂછવામાં આવેલા સવાલનો જવાબ આપ્યા છે.
એસઆઈઆઈના સરકારી અને નિયમનકારી બાબતોના નિયામક પ્રકાશ કુમાર સિંહે ડીસીજીઆઈને કરેલી અરજીમાં જણાવ્યું હતું કે અભ્યાસના ડેટા સલામતીની કોઈ ચિંતા ઉભી કરી રહ્યા નથી અને કોવોવેક્સ પુખ્ત વયની વસ્તી માટે સલામત છે.
કોવોવેક્સની ઉપલબ્ધતા અંગે અદાર પૂનાવાલાએ એક ઇન્ટરવ્યુમાં જણાવ્યું હતું કે- કોવોવેક્સ માટે અમે ડેટા સબમિટ કર્યા છે. અમે ઘણા કારણોસર બાળકો માટે રસી તરીકે કોવોવેક્સપસંદ કર્યું છે. રસીના સ્ટોકની દ્રષ્ટિએ હવે કોઈ ચિંતા નથી. અમારી પાસે અત્યારે એક મહિનાનો સ્ટોક ઉપલબ્ધ છે. ફેબ્રુઆરી સુધીમાં, આપણે 2-3 વર્ષથી ઓછી વયના બાળકો માટે કોવોવેક્સની મંજૂરી મેળવવી જોઈએ.