વધુ એક સારા સમાચાર મળી રહ્યા છે. દુનિયાભરની આશા કોરોનાની જે રસી પર હતી તેમાં વિધ્ન આવતા તેનું ટ્રાયલ રોકવામાં આવ્યું હતુ. જી હા ઓક્સફોર્ડ યુનિની રસીનું ટ્રાયલ રોકવામાં આવ્યું હતુ. જોકે તેને લઈને એક સારા સમાચાર એ છે કે ફરીથી આ રસીના ટ્રાયલ માટે સીરમ ઈન્સ્ટીટ્યૂટને મંજૂરી મળી ગઈ છે.
11 સપ્ટેમ્બરે ઓક્સફોર્ડની વેક્સિનના ટ્રાયલ પર લાગી હતી રોક
સીરમ ઇન્સ્ટીટ્યૂટને ઓક્સફોર્ડની વેક્સિનના ટ્રાયલની મંજૂરી મળી ગઈ છે. DCGIએ ઓક્સફોર્ડની વેક્સિનના ટ્રાયલની મંજૂરી આપી છે. DCGIએ બીજા અને ત્રીજા ટ્રાયલને રોકવાનો આદેશ રદ કર્યો હતો. 11 સપ્ટેમ્બરે ઓક્સફોર્ડની વેક્સિનના ટ્રાયલ પર રોક લાગી હતી.વોલેન્ટિયકમાં સાઇડઇફેક્ટ જોવા મળતા ટ્રાયલ રોકાયું હતું.
ઉલ્લેખનીય છે કે ઓક્સફોર્ડની કોરોના વેક્સીનના ટ્રાયલ પર વિવાદ થવા પર ડ્રગ્સ કન્ટ્રોલર જનરલ ઓફ ઈન્ડિયાએ સીરમ ઈન્સ્ટિટ્યૂટને કારણદર્શક નોટિસ આપી હતી. નોટિસમાં પુછવામાં આવ્યું હતું કે દર્દીની સુરક્ષાને લઈને ઉઠી રહેલી શંકાને ખતમ થવા સુધી કોરોના વેક્સીનનું ટ્રાયલ કેમ રોકવામાં નથી આવ્યું? નોટિસ મળ્યાનાં થોડા જ કલાકોમાં ઈસ્ટીટ્યૂટે નિવેદન જાહેર કર્યુ હતું કે અમને ટ્રાયલ રોકવા માટે કોઈ નિર્દેશ મળ્યા નહોંતા.
નોંધનીય છે કે સીરમ ઈન્સ્ટીટ્યૂટે કહ્યું કે ‘અમે ડીસીજીઆઈના નિર્દેશોનું પાલન કરી રહ્યા છીએ. અમે ટ્રાયલ રોકવાનું કહેવામાં નહોતું આવ્યું. જો ડીસીજીઆઈને સુરક્ષાને લઈને કોઈ ચિંતા છે તો અમે તેમના નિર્દેશો અને પ્રોટોકોલનું પાલન કરીશું. ડ્રગ કન્ટ્રોલર જનરલ ઓફ ઈન્ડિયાએ સીરમ ઈન્સ્ટીટ્યૂટ પર વેક્સીન ટ્રાયલને લઈને તાજા અપડેટ નહીં આપવાનો આરોપ લગાવ્યો હતો. જોકે હવે ફરીથી ઓક્સફર્ડની રસીનું પરિક્ષણ શરુ કરવાના આદેશ આપવામાં આવ્યા છે.