ઓક્સફોર્ડની કોરોના વેક્સીનના ટ્રાયલ પર વિવાદ થવા પર ડ્રગ્સ કન્ટ્રોલર જનરલ ઓફ ઈન્ડિયાએ સીરમ ઈન્સ્ટિટ્યૂટને બુધવારે કારણદર્શક નોટિસ આપી છે. નોટિસમાં પુછવામાં આવ્યું હતું કે દર્દીની સુરક્ષાને લઈને ઉઠી રહેલી શંકાને ખતમ થવા સુધી કોરોના વેક્સીનનું ટ્રાયલ કેમ રોકવામાં નથી આવ્યું? નોટિસ મળ્યાનાં થોડા જ કલાકોમાં ઈસ્ટીટ્યૂટે નિવેદન જાહેર કર્યુ હતું કે અમને ટ્રાયલ રોકવા માટે કોઈ નિર્દેશ મળ્યા નહોંતા.
સીરમ ઇન્સ્ટિટ્યૂટ ઓફ ઇન્ડિયા પ્રાઇવેટ લી.ને નોટિસ
ડ્રગ્સ કંટ્રોલર જનરલ ઓફ ઇન્ડિયાએ આપી નોટિસ
કોવિડ વેક્સીન ટ્રાયલ મામલે કારણદર્શક નોટિસ
ઓક્સફોર્ડની વેક્સીન વિશે કેટલીક માહિતી ન અપાતા નોટિસ
સીરમ ઈન્સ્ટીટ્યૂટે કહ્યું કે ‘અમે ડીસીજીઆઈના નિર્દેશોનું પાલન કરી રહ્યા છીએ. અમે ટ્રાયલ રોકવાનું કહેવામાં નહોતું આવ્યું. જો ડીસીજીઆઈને સુરક્ષાને લઈને કોઈ ચિંતા છે તો અમે તેમના નિર્દેશો અને પ્રોટોકોલનું પાલન કરીશું. ડ્રગ કન્ટ્રોલર જનરલ ઓફ ઈન્ડિયા બુધવારે સીરમ ઈન્સ્ટીટ્યૂટ પર વેક્સીન ટ્રાયલને લઈને તાજા અપડેટ નહીં આપવાનો આરોપ લગાવ્યો છે.
ઉલ્લેખનીય છે કે અસ્ત્રોજેનેકાએ અન્ય દેશોમાં અનેક રસીના ટ્રાલ રોકી દીધા છે. ડીસીજીઆઈની નોટિસમાં કહેવામાં આવ્યું છે કે એસઆઈઆઈએ રસીની સામે આવેલા પ્રતિકુળ અસરો વિશે પોતાના એનાલિસિસ સબમિટ નથી કર્યા. અન્ય દેશોમાં ઓક્સફોર્ડ વેક્સીનનું ટ્રાયલ અટકાવાયું છે. કેટલાક દેશોમાં ઓક્સફોર્ડની રસીનો ખરાબ પ્રભાવ દેખાયો છે. DCGIએ સીરમ ઇન્સ્ટિટ્યૂટ પાસે જલ્દી જવાબ માગ્યો છે.