ગેરકાયદે? / વડોદરાના અતાપી વંડરલેન્ડના સંચાલકો પર ગંભીર આરોપ, 450 વીઘા જમીન પચાવી પાડી હોવાનો કોંગ્રેસનો દાવો

• આજવામા બનેલા અતાપી વંડરલેન્ડમાં શરૂ થયો વિવાદ
• કોંગ્રેસના કોર્પોરેટરોનો આતાપી ના સંચાલકો પર ગંભીર આરોપ
• 'આતાપીમાં ગેરકાયદેસર પાર્ટીપ્લોટ બનાવી ભાડે આપી દીધો'

વડોદરામાં આજવા બનેલા અતાપી વન્ડરલેન્ડ પાર્ક ફરી વિવાદનાં ઝપેટે ચડયો છે.કોંગ્રેસના કોર્પોરેટર્સે અતાપીના સંચાલકોનો ગંભીર આરોપ લગાવ્યો છે કે અતાપીમાં ગેરકાયદે પાર્ટી પ્લોટ બનાવી ભાડે આપી દેવામાં આવ્યો છે.

'મંજૂરી વગર હોટલનું બાંધકામ, ગેરકાયદે પાર્ટી પ્લોટ બનાવી ભાડે આપ્યો'
વધુમાં કોંગ્રેસના કોર્પોરેટર્સે અતાપી વન્ડરલેન્ડના સંચાલકો પર આક્ષેપ મુક્ત કહ્યું કે મંજૂરી વગર હોટલનું બાંધકામ શરૂ કરવામાં આવ્યુ તેમજ ગેરકાયદે પાર્ટી પ્લોટ બનાવી ભાડે આપી દીધો. 
સફારી પાર્કના નામે 450 વીઘા જમીન પચાવી પાડવાનો કારસો રચાયો હોવાનૉ પણ તેમણે દાવો કર્યો હતો. વધુમાં કામકાજને ઉજાગર કરતાં કહ્યું હતું કે 2012માં પી.પી.પી ધોરણે કામ સોંપાયું હતું. પણ એક પણ ઇંટ પણ મુકાઇ નથી. ઝૂ ઓથોરિટી ઓફ ઇન્ડિયાએ પણ મંજૂરી આપી તેમ છતાં કામ ન કર્યુ હોવાનો તેઓએ આરોપ કર્યો છે. સમગ્ર મામલે કોર્પોરેશન અને સરકાર શરત ભંગના પગલા ન લે તેવી માગ કોર્પોરેટર્સે દ્વારા કરવામા આવી છે.

1 મહિના પહેલા: રાઈડના રિપેરિંગ વખતે સેફ્ટી બેલ્ટ ખૂલી જતા યુવકનું કમકમાટી ભર્યું મોત
વડોદરા ખાતે આજવા વિસ્તારમાં આવેલો અતાપી વન્ડર લેન્ડ ખાતે ઝીપલાઇન રાઈડનો 25 વર્ષિય યુવાન ઓપરેટર 70 ફૂટ ઉંચાઇથી પટકાતા મોત નીપજ્યું હતું. એક મહિના પહેલા બનેલી આ ઘટનામાં મૃત્યુ પામેલો યુવક 70 ફૂટ ઉંચાઇ પર કામ કરી રહ્યો હતો. જે વખતે સેફ્ટી બેલ્ટ ખૂલી જતા તે નીચે પટકાયો હતો અને મોતને ભેટ્યો હતો. આપને એ પણ જણાવી દઈએ કે અતાપી વન્ડર લેન્ડમાં અગાઉ પણ એક બાળકનું ટાંકીમાં ડૂબી જવાથી મોત નીપજ્યું હતું.

અતાપી વન્ડરલેન્ડનો પાણી વિવાદ
આ અગાઉ વર્ષ 2019માં 50 હજાર લોકોને રોજ દૈનીક ક્રિયામાં વપરાય એટલુ પાણી આતાપી વન્ડરલેન્ડ વાપરી નાખે છે તેવો આરોપ લાગ્યો હતો. વન્ડરલેન્ડ જે પાણી વાપરી રહ્યુ છે તે કોઈપણ જાતની પરવાનગી લીધા વગર વાપરી રહ્યું હોવાનું ખૂલ્યું હતું. આટલુ બધુ પાણી ગેરકાયદે વાપરવામાં આવે છે અને તંત્ર કોઈ પગલા લીધા ન હતા .