વડોદરાની સ્ટર્લીગ હોસ્પિટલ સામે ત્યા કામ કરતી મહિલા તબીબે ગંભીર આક્ષેપો કર્યા છે. જેમા તેણે આક્ષેપ કર્યા છે કોરોનાકાળમાં હોસ્પિટલે દર્દીઓ પાસેથી લૂંટ ચલાવી છે. સમગ્ર મામલે હોસ્પિટલે 30 કરોડની લૂંટ કરી હોવાનો મહિલા તબીબે આક્ષેપ કર્યો છે.
વડોદરાની સ્ટર્લિંગ હોસ્પિટલ સામે લાગ્યા ગંભીર આક્ષેપો
હોસ્પિટલમાં કામ કરી ચૂકેલ મહિલા તબીબે લગાવ્યા ગંભીર આક્ષેપ
દર્દીઓ પાસેથી 30 કરોડ રૂપિયા વધુ લીધા હોવાનો લાગાવ્યો આક્ષેપ
કોરોનાકાળામાં અમુક હોસ્પિટલો દ્વારા મોટા પ્રમાણમાં ફી વસૂલવામાં આવી હતી. જે મામલે પૂર્વ મંત્રી યોગેશ પટેલે પણ એવું નિવેદન આપ્યું હતું કે કોરોના મહામારીના સમયે હોસ્પિટલોએ લૂંટ ચલાવી હતી. ત્યારે હવે વડોદરાના સ્ટર્લિંગ હોસ્પિટલ સામે ગંભીર આક્ષેપો લાગ્યા છે.
કેસની તપાસ ACP ક્રાઈમને સોંપવામાં આવી
પલ્મોનોલોજીસ્ટ ડૉ સોનિયા દલાલએ ફરિયાદ નોંધાવી છે કે વડોદરાની સ્ટર્લિંગ હોસ્પિટલ દ્વારા 30 કરોડ કરતા પણ વધુ રૂપિયા ઉઘરાવવામાં આવ્યા છે. આપને જણાવી દઈએ કે ડૉ સોનિયા દલાલે 2865 દર્દીઓની સારવાર કરી હતી. સમગ્ર મામલે ડૉદલલાની ફરિયાદ મળ્યા બાદ આ મામલો એસીપી ક્રાઈમને સોપવામાં આવ્યો છે.
હોસ્પિટલ તંત્ર સામે ઉઠ્યા ગંભીર સવાલો
ડૉક્ટરે આક્ષેપ કર્યા છે કે હોસ્પિટલે સરકારની VMC ગાઈલાઈનનો પણ ભંગ કર્યો છે. જેમા હોસ્પિટલ દ્વારા નિયત દર કરતા 30 કરોડ રૂપિયા વધું ખંખેર્યા હોવાનો આક્ષેપ ડૉ દલાલે કર્યો છે. જેને લઈને ખળભળાટ મચી ઉઠ્યો છે. હાલ મુદ્દો વડોદરા શહેર માટે ચર્ચાનું કેન્દ્ર બની ગયો છે. જેથી હોસ્પિટલ તંત્ર સામે ગંભીર સવાલો ઉટી રહ્યા છે.
3 હજારના બદલે 11 હજાર વિઝિટીંગ ફી લેવાતી
ડૉ સોનિયા દલાલે લગાવેલા આક્ષેપ પ્રમાણે હોસ્પિટલ દ્વારા ડૉક્ટરની વિઝિટીંગ ફી પણ 3 હજારના બદલે 11 હજાર લેવામાં આવી છે. તેઓ હોસ્પિટલમાં કોવિડ દર્દીઓની સારવાર કરતા હતા. જેથી આ સમગ્ર મામલે તેમણે હોસ્પિટલ પાસેથી 20 કરોડ લેવાનો દાવો કર્યો છે. કારણકે હોસ્પિટલ દ્વારા તેમને માત્ર 1.41 કરોડ ચૂકવવામાં આવ્યા છે.