પોલીસે એક એવા આર્યુવેદિક ડોકટરની ધરપકડ કરી છે જેણે 100 થી વધારે ટ્રક ડ્રાઇવરોની હત્યા કરી છે. તેની ગેંગ વિશેષ રીતે LPG સિલેંડર લઇ જતી ટ્રક ડ્રાઇવરોને શિકાર બનાવતી હતી. દિલ્હી પોલીસની ક્રાઇમ બ્રાંચના ડીસીપી રાકેશ પવેરિયાએ જણાવ્યું કે દેવેન્દ્ર શર્મા નામનો આ ડોકટર ઉત્તર પ્રદેશના અલીગઢ જિલ્લામાં આવેલ પુરની ગામમાં રહે છે. તેઓ પેરોલથી ભાગીને જાન્યુઆરીથી અહી રહી રહ્યો હતો. જો કે ડોકટરને કરેલી પુછપરછમાં ચોંકાવનારો ખુલોસા થયો છે. ડોકટરે કબુલ્યું છે કે તેણે દિલ્હી તેમજ આસપાસના રાજ્યોમાંથી 50થી વધારે ટ્રક ડ્રાઇવરોની હત્યા કર્યા બાદ ગણતરી છોડી દીધી હતી.
DSPએ કહ્યું કે ડોકટર તેમજ તેની ગેંગ સંભવતઃ 100થી વધારે કેસોમાં સંડોવાયેલી છે. કારણ કે દિલ્હી, ઉત્તર પ્રદેશ, હરિયાણા અને રાજસ્થાનમાં તેમની સામે કેસ દાખલ મામલામાં સંબંધિત રાજ્યોની પોલીસ તપાસ કરી રહી છે.
DSPએ જણાવ્યું કે ડોકટરે 1992માં ગેસ ડીલરશીપ સ્કીમમાં 11 લાખ રૂપિયાનું રોકાણ કર્યું, પરંતુ તેને નુકસાન થયું. ત્યારબાદ 1995માં તેને ક્લીનિક છોડીને અલીગઢના છારા ગામમાં ખોટા નામે ગેસ એજન્સી શરુ કરી અને પછી ગુનાહિત પ્રવૃત્તિમાં સામેલ થઇ ગયો. તેના સહયોગી એલપીજી ગેસ સિલિંડરને લઇ જતા ટ્રકોને લૂંટતા હતા અને ડ્રાઇવરોની હત્યા કરી દેતા હતા.
ત્યાર બાદ ટ્રકના સિલેંડર પોતાની ખોટી ગેસ એજન્સીમાં ઉતારી લેતા હતા. 1993માં ડોકટર કિડની પ્રત્યારોપણના આંતરરાજય ગેંગમાં પરિવર્તિત થઇ ગઇ. 2004માં ગુડગામમાં કિડની ગેંગ મામલે તેને અને અન્ય ડોકટરોની ધરપકડ કરવામાં આવી હતી. પોલીસે જણાવ્યું કે ડોકટર અપહરણ અને હત્યાના ઘણા મામલામાં દોષી સાબિત થયો છે.