IPLIN
 

દૂર્ધટના / VIDEO: યુગાન્ડાની રાજધાની કંપાલામાં સિરિયલ બ્લાસ્ટથી મચી અફરાતફરી , 100 મીટર દૂર હતી ભારતીય ટીમ

Team VTV 05:45 PM, 16 Nov 21
Follow us
serial blast in uganda capital kampala

આફ્રિકાના દેશ યુગાન્ડામાં સિરિયલ બ્લાસ્ટ થતાં ખળભળાટ મચ્યો છે. 

  • યુગાન્ડાની રાજધાની કંપાલામાં બ્લાસ્ટ
  • સંસદ ભવન પાસે પાર્ક કરેલી બે કારમાં બ્લાસ્ટ
  • ઘટના સ્થળે ચુસ્ત બંદોબસ્ત

યુગાન્ડાની રાજધાની કંપાલામાં સંસદ ભવનની નજીક થયેલ સિરિલય બ્લાસ્ટ થતાં 2 લોકોના ઘટના સ્થળે જ કમકમાટીભર્યા મોત થયાં છે. બ્લાસ્ટ વાળી જગ્યાથી માત્ર 100 મીટર દૂર પર ભારતીય પેરા બેડમિન્ટન ટીમ રોકાઈ હતી. 

ભારતીય બેડ મિન્ટન ટીમને કોઈ નુકસાન નહીં 

જો કે, આ બ્લાસ્ટને કારણે ભારતીય ટીમને કોઈપણ પ્રકારનું નુકસાન થયું નથી. ભારતીય પેરા બેડમિન્ટન ટીમ ટીમ યુગાન્ડામાં પેરા બેડમિન્ટન ઈન્ટરનેશનલ-2021માં ભાગ લેવા માટે  કેટલાક દિવસ અગાઉથી ત્યાં પહોંચી છે. આ ટીમમાં ટોક્યો પેરાલિમ્પિક-2021 પદક જીતનાર પ્રમોદ ભગત,મનોજ સરકાર અને અન્ય ખેલાડીઓ પણ શામેલ છે. 

બિલ્ડિંગને ટાર્ગેટ કરીને કરાયો બ્લાસ્ટ

ઘટનાના તાજના સાક્ષીઓના જણાવ્યા પ્રમાણે, આ વિસ્ફોટ પૈકી એક પોલીસ સ્ટેશનની નજીક થયો હતો અને બીજો બ્લાસ્ટ સંસદ ભવનની નજીક આવેલ રસ્તા પર કરવામાં આવ્યો હતો, સંસદ ભવન નજીક થયેલ  વિસ્ફોટ સંભવત એક બિલ્ડિંગને ટાર્ગેટ બનાવીને કરવામાં આવ્યો હતો, જેમાં વિમા કંપનીની ઓફિસ આવેલી છે. વિસ્ફોટના કારણે આસપાસ ઉભેલા વાહનોમાં આગ લાગી હતી, રાષ્ટ્રીય પ્રસારક યૂબીસી અનુસાર, કેટલાક સાંસદ નજીક સંસદ ભવન પરિસરને ખાલી કરતા જોવા મળ્યા હતા. 

સતત થઈ રહ્યા છે બ્લાસ્ટ

તે જ સમયે, બીજા સ્થાનની નજીક હાજર એક પ્રત્યક્ષદર્શી દ્વારા ઑનલાઇન પોસ્ટ કરાયેલ એક વિડિયોમાં પોલીસ સ્ટેશનની નજીક ધુમાડો નીકળતો જોવા મળ્યો હતો. પોલીસે તાત્કાલિક કોઈ ટિપ્પણી કરી ન હતી અને તે સ્પષ્ટ નથી થયું કે વિસ્ફોટ બોમ્બથી થયો હતો કે અન્ય કોઈ રીતે. યુગાન્ડાના અધિકારીઓ તાજેતરના અઠવાડિયામાં શ્રેણીબદ્ધ બોમ્બ ધડાકાને પગલે લોકોને સાવચેતી રાખવા વિનંતી કરી રહ્યા છે. 23 ઓક્ટોબરે કમ્પાલાની એક રેસ્ટોરન્ટમાં થયેલા વિસ્ફોટમાં એક વ્યક્તિનું મોત થયું હતું અને ઓછામાં ઓછા સાત અન્ય લોકો ઘાયલ થયા હતા.

Uganda યુગાન્ડા આફ્રિકા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ