મેજર અપસેટ / અઝારેન્કા સામે સેરેના હારીઃ US ઓપનની ફાઇનલમાં ઓસાકા સામે ટક્કર

• સેરેના યુએસ ઓપન સેમિફાઇનલ હારી
• સેરેના બનાવી શકી હોત આ રેકોર્ડ 
• સેરેનાના ચાહકો માટે મેજર અપસેટ

૩૮ વર્ષીય અમેરિકન દિગ્ગજ સેરેના સામે અઝારેન્કાએ ૨૩મી મેચમાં પાંચમી જીત હાંસલ કરી  હતી. આ મુકાબલો એક કલાક ૫૫ મિનિટ સુધી ચાલ્યો હતો. સેરેના 11મી વાર અમેરિકન ઓપનની ફાઇનલમાં સ્થાન મેળવવાનું ચૂકી ગઈ હતી.

અન્ય સેમિફાઇનલમાં જાપાનની નાઓમી ઓસાકાએ મહિલા સિંગલ્સની ફાઇનલમાં સ્થાન મેળવી લીધું છે. તેણે અમેરિકાની જેનિફર બ્રાડીને 7-6(1), 3-6, 6-3થી હરાવી દીધી હતી. 
ઉલ્લેખનીય છે કે સેરેના 24મા ગ્રાન્ડ સ્લેમ ખિતાબ પર કબજો જમાવવા તરફ આગળ વધી રહી હતી, પરંતુ સેરેનાની સફર અઝારેન્કાએ થંભાવી દીધી. સૌથી વધુ ગ્રાન્ડ 24ગ્રાન્ડ સ્લેમ જીતવાનો રેકોર્ડ ઓસ્ટ્રેલિયાની માર્ગારેટ કોર્ટના નામે છે, જેની બરોબરી કરવા માટે સેરેનાને માત્ર એક ખિતાબની જરૂર હતી, પરંતુ એવું બની શક્યું નહીં.