BRTSમાં કરોડોના ખર્ચે શરૂ કરવામાં આવેલા સેન્સર દરવાજા બંધ હાલતમાં, BRTS રૂટમાં ફરી દેશી દોરડા વાળી સિસ્ટમ
અમદાવાદમાં AMCની બેદરકારી
BRTS સ્ટેન્ડ પર સેન્સર દરવાજા બંધ
BRTS રૂટમાં ફરી દેશી દોરડા વાળી સિસ્ટમ
શહેરમાં BRTSના કારણે અનેક લોકોને હાલકી ભોગવી પડતી હોય છે, BRTSના કારણે ટ્રાફકજામના દ્રશ્યો પણ સર્જાતા હોય છે, પરતું હવે આજેBRTSમાં કરોડોના ખર્ચે શરૂ કરવામાં આવેલા સેન્સર દરવાજા બંધ હાલતમાં જોવા મળી રહ્યા છે. શહેરમાં 6 કરોડના ખર્ચે 153 બસ સ્ટેન્ડ પર સ્વિંગ દરવાજા લગાવવામાં આવ્યા પરતું તે બંધ થઈ જતા હાલ હવે ફરી BRTS પર દોરડા લગાવવાનું શરૂ થઈ ગયુ છે. વર્ષ 2019માં AMC દ્વારા BRTSમાં અન્ય વાહનોને રોક લગાવવા માટે કરોડોના ખર્ચે સેન્સર દરવાજા મુકવામાં આવ્યા હતા. જો કે આ પ્રોજેકેટને 2 વર્ષમાં જ તેના પર પાણી ફરી વળ્યું છે.
કરોડના ખર્ચે તૈયાર કરાયેલા સ્વિંગ દરવાજા બંધ
6 કરોડોનો ખર્ચે કર્યા બાદ હવે ફરી દેશી દોરડા સિસ્ટમ BRRS બસ સ્ટેન્ડ પર લાગુ કરવામાં આવી છે. જો કે બસ સ્ટેન્ડ પર આવે તે પહેલા સ્વિંગ ગેટ્સ ઓટોમેટિક ખુલી જાય છે. આ માટે બસમાં એક સેન્સર હોય છે. અને બીજું સેન્સર ગેટ સાથે લગાવાયેલું હોય છે. સેન્સર દ્વારા બસ 10 મીટર દૂર હોય તે પહેલા ગેટ ઓટોમેટિકલી ખુલી જાય છે. એટલું જ નહીં દરવાજામાંથી બસ પસાર થઇ ગયા બાદ 20 સેકંડમા દરવાજો બંધ પણ થઇ જાય છે. જોકે, BRTS રૂટ પર બસ ઉપરાંત એમ્બ્યુલન્સ જેવા ઇમરજન્સી વાહનો પણ પસાર થાય છે. આ ઇમરજન્સી વાહનોને પસાર થવા દેવા માટે બસ શેલ્ટરમાં ટિકિટ વિન્ડોમાં સ્પેશિયલ બટન મૂકવામાં આવ્યુ હોય છે આ બટન થકી વિન્ડો ઓપરેટર દરવાજો ખોલી શકે છે.