શેરબજાર / સપ્તાહના પહેલા જ કારોબારી દિવસે રોકાણકારોને નુકસાની, સેન્સેક્સ 255 અને નિફ્ટી 70 પોઈન્ટ ગબડ્યો

• સપ્તાહના પહેલા ટ્રેડિંગ દિવસે બજારની શરૂઆત સુસ્તી સાથે થઈ
• સેન્સેક્સ 255.39 પોઈન્ટના ઘટાડા સાથે 55,816.84 પર ખુલ્યો
• નિફ્ટી ઈન્ડેક્સ 70.35 પોઈન્ટના ઘટાડા સાથે 16,649.10ના સ્તરે

ભારતીય શેરબજાર ગત સપ્તાહની શાનદાર તેજી બાદ જુલાઈના છેલ્લા ટ્રેડિંગ સપ્તાહના પહેલા દિવસે ઘટાડા સાથે ખુલ્યું હતું. બોમ્બે સ્ટોક એક્સચેન્જનો ઈન્ડેક્સ સેન્સેક્સ  255.39 પોઈન્ટના ઘટાડા સાથે  55,816.84 પર ખુલ્યો હતો, જ્યારે નિફ્ટી ઈન્ડેક્સ 70.35 પોઈન્ટના ઘટાડા સાથે 16,649.10ની સપાટીએ ખુલ્યો હતો.

સેક્ટરલ ઈન્ડેક્સની વાત કરીએ તો, આજે મોટાભાગના સેક્ટરમાં ઘટાડા સાથે કારોબાર થઈ રહ્યો છે. ઓટો, ફાર્મા, એફએમસીજી, એનર્જી જેવા સેક્ટર લાલ નિશાનમાં ટ્રેડ થઈ રહ્યા છે, જ્યારે બેન્કિંગ, આઈટી, મેટલ્સ સેક્ટરમાં ખરીદી જોવા મળી રહી છે. તો સ્મોલ કેપમાં વેચવાલી જોવા મળી રહી છે. તો મિડ-કેપમાં નજીવી ખરીદી જોવા મળી રહી છે. નિફ્ટીના 50 શેરોમાંથી 29 શેર લાલ નિશાનમાં અને 21 શેર લીલા નિશાનમાં ટ્રેડ થઈ રહ્યા છે. સેન્સેક્સના 30 શેરોમાંથી 13 શેર લીલા નિશાનમાં અને 17 શેર લાલ નિશાનમાં ટ્રેડ થઈ રહ્યા છે.

Sensex falls 255.39 points to 55,816.84 in early trade; Nifty declines 70.35 points to 16,649.10

— Press Trust of India (@PTI_News) July 25, 2022

આજે આ શેરોમાં વધારો 

આજે જે શેરો વધી રહ્યા છે તેના પર નજર કરીએ તો ICICI બેંક 1.14 ટકા, ઇન્ડસઇન્ડ બેંક 0.98 ટકા, ટાટા સ્ટીલ 0.79 ટકા, ભારતી એરટેલ 0.66 ટકા, એક્સિસ બેંક 0.63 ટકા, કોટક મહિન્દ્રા 0.59 ટકા, વિપ્રો. 0.51 ટકા, બજાજ ફાઇનાન્સ 0.38 ટકાના વધારા સાથે કારોબાર કરી રહ્યા છે.

આજે આ શેરોમાં ઘટાડો 

ઘટાડા સાથે ટ્રેડ કરી રહેલા શેરો પર નજર કરીએ તો, રિલાયન્સ 3.52 ટકા, અલ્ટ્રાટેક સિમેન્ટ 0.91 ટકા, નેસ્લે 0.90 ટકા, સન ફાર્મા 0.87 ટકા, એચડીએફસી 0.85 ટકા, ટેક મહિન્દ્રા 0.76 ટકાના ઘટાડા સાથે ટ્રેડ કરી રહ્યું છે.