ખુશખબર / મહામંદી બાદ શેરબજારમાં મહાતેજી : સેંસેક્સ 1736 પોઈન્ટ ઉછળ્યો, નિફ્ટી 17300ને પાર પહોંચ્યો

•  સપ્તાહના બીજા દિવસે મંગળવારે શેરબજાર લીલા નિશાન પર ખુલ્યું
• સેન્સેક્સ 1736 પોઈન્ટના ઉછાળા સાથે 58142 પર ખુલ્યો
• સેન્સેક્સે ફરી 58,000ની સપાટી વટાવી

સપ્તાહના બીજા દિવસે મંગળવારે શેરબજાર લીલા નિશાન પર ખુલ્યું હતું. શેરબજારના બંને સૂચકાંકોએ પાછલા દિવસની સુસ્તીમાંથી બહાર આવીને તેજી સાથે શરૂઆત કરી હતી. બોમ્બે સ્ટોક એક્સચેંજના 30 શેરોવાળા સેન્સેક્સ 296 અંકના ઉછાળા સાથે 58142પર ખુલ્યો હતો. બપોરે 2 વાગ્યા બાદ સેન્સેક્સ અને નિફ્ટીમાં જોરદાર ઉછાળો આવ્યો હતો અને સેન્સેક્સે ફરી 58,000ની સપાટી વટાવી હતી.

Sensex shoots up 1,736.21 pts to close at 58,142.05; Nifty leaps 509.65 pts to 17,352.45

— Press Trust of India (@PTI_News) February 15, 2022

નિફ્ટી  483 પોઇન્ટ વધીને 17,325 પર પહોંચ્યો 

સેન્સેક્સની સાથે જ નેશનલ સ્ટોક એક્સચેન્જના નિફ્ટી ઇન્ડેક્સે 85 પોઇન્ટના વધારા સાથે 16,928ના સ્તરે ટ્રેડિંગ શરૂ કર્યું હતું અને તે પછી તેમાં પણ સતત વધારો થતો રહ્યો હતો. નિફ્ટી હવે 483 પોઇન્ટ વધીને 17,325 પર પહોંચી ગયો છે. જણાવી દઈએ કે સોમવારે બજારની શરૂઆત લાલ નિશાન પર થઈ હતી અને અંત સુધી ચાલુ રહી હતી. દિવસભરના કારોબાર બાદ સેન્સેક્સ 1,747 અંક ઘટીને 56,406ના નીચલા સ્તર પર બંધ થયો હતો. જ્યારે, નિફ્ટી ઈન્ડેક્સ 531 અંક લપસીને 16,843 પર બંધ થયો છે.

સેન્સેક્સના આ શેરમાં આવી તેજી 

સેન્સેક્સના 30 શેરોમાંથી ત્રણ શેરોમાં ઘટાડામાં કારોબાર થઈ રહ્યો છે, જ્યારે 27 શેરોમાં તેજી સાથે કારોબાર થઈ રહ્યો છે. આ શેરોમાં બજાજ ફિનસર્વ, વિપ્રો, એરટેલ, ટેક મહિન્દ્રા, ટીસીએસ, ઈન્ફોસિસ, લાર્સન એન્ડ ટુબ્રો અને એચસીએલ ટેકનો સમાવેશ થાય છે. એ જ પ્રમાણે બજાજ ફાઇનાન્સ, એસબીઆઇ, ટાઇટન, એચડીએફસી, ઇન્ડસઇન્ડ બેન્ક, કોટક બેન્ક, તાતા સ્ટીલ અને આઇટીસીમાં પણ એક-એક ટકાનો ઉછાળો નોંધાયો હતો. તેનાથી ઉલટું આઈસીઆઈસીઆઈ બેન્ક, ડો રેડ્ડી અને પાવરગ્રીડના શેરમાં ઘટાડો જોવા મળી રહ્યો છે.