આર્થિક / રક્ષાબંધને શેરબજાર લીલા રંગે રંગાયું, સેન્સેક્સ ફરી 59,000 પોઈન્ટને પાર, તમામ શેરમાં તેજી આવતા રોકાણકારો ગેલમાં

• રક્ષાબંધનનો તહેવાર શેરબજારને ફળ્યો
• સેંસેક્સ ફરી વાર 59,000 પોઈન્ટને પાર પહોંચ્યો
• બેન્કિગ, આઈટી અને ડિફેન્સના શેરમાં જોરદાર તેજી

રક્ષાબંધનનો તહેવાર રોકાણકારો માટે શુભ શુકન લઈને આવ્યો છે. રક્ષાબંધનના દિવસે શેરબજારમાં તમામ શેરમાં ભારે તેજી જોવા મળતા રોકાણકારો ગેલમાં આવ્યાં હતા. ગુરુવારે શેરબજાર આખો દિવસ લીલા નિશાનમાં કારોબાર કરતું રહ્યું. રોકાણકારો તરફથી બેન્કિંગ, આઈટી અને ડિફેન્સ સેક્ટરના શેરોમાં જબરદસ્ત ખરીદી થઈ હતી. 

Sensex rallies 515.31 points to end at 59,332.60; Nifty climbs 124.25 points to 17,659

— Press Trust of India (@PTI_News) August 11, 2022

સેન્સેક્સ ફરી પાર કરી 59 હજારની સપાટી 
સેન્સેક્સ ફરી 59 હજારની સપાટી પાર કરવામાં સફળ રહ્યો છે. આજના કારોબારના અંતે મુંબઈ શેરબજારનો સૂચકાંક સેન્સેક્સ 515 અંકના વધારા સાથે 59,332 અંક અને નિફ્ટી 124 અંક વધીને 17,659 અંક પર બંધ થયા છે.

ચાર સેક્ટરને બાદ કરતા તમામ શેર્સમાં તેજીમાં 
ગુરુવારે ફક્ત ચાર સેક્ટર ઓટો, એમએમસીજી, મીડિયા, એનર્જીને બાદ કરતાં તમામ સેક્ટરના શેરોમાં વધારો જોવા મળ્યો હતો.  આઈટી, ફાર્મા, મેટલ, કંઝ્યુમર ડ્યુરેબલ્સ, ઑયલ એન્ડ ગેસ જેવા સેક્ટર ઉપરાંત બેન્કિંગમાં ખરીદારી જોવાને મળી. મિડકેપ સ્મૉલકેપ શેરોમાં વધારો જોવાને મળ્યો છે. 

નિફ્ટીના 30 શેર લીલા અને 20 શેર લાલમાં, સેન્સેક્સના 19 શેરો લીલા અને 11 શેર લાલમાં બંધ 
નિફ્ટીના 50 શેરોમાંથી 30 શેર લીલા નિશાનમાં અને 20 શેર લાલ નિશાનમાં બંધ થયા છે. તો સેન્સેક્સના 30 શેરોમાંથી 19 શેરો લીલા નિશાનમાં અને 11 લાલ નિશાનમાં બંધ થયા છે.