ચાલુ સપ્તાહમાં શેર બજારના છેલ્લા સત્રની શરૂઆત બંપર વધારાની સાથે થઈ છે. સેન્સેક્સે પહેલી વાર 37 000ને પાર ખુલવાનો રેકોર્ડ બનાવ્યો છે જ્યારે નિફ્ટીએ પણ સારી તેજી દેખાડી છે. શુક્રવારે સેન્સેક્સ 269.22 પોઈન્ટ એટલે કે 0.73% ના વધારાની સાથે 37 253.86 પર ખુલ્યો જ્યારે નિફ્ટીમાં 65.45 અંકોના વધારાથી 11 232.75 પર કારોબારની શરૂઆત થઈ. આ પહેલા ગુરુવારે જ સેન્સેક્સે પહેલી વખત 37 000નો આંકડો પાર કરી લીધો હતો.
9.45 વાગ્યે બીએસઈ પર જે 1 541 શેરોમાં કારોબાર થઈ રહ્યો હતો તેમાં 1 074 શેરોમાં તેજી જોવા મળી તો 405 શેરોમાં વેચાણનો દોર હતો જ્યારે 62 શેરોના ભાવમાં કોઈ બદલાવ નથી આવ્યો. જ્યારે નિફ્ટી 50ના 30 શેરોમાં વધારો જોવા મળ્યો અને 19 શેરોના ભાવમાં ઘટાડો નોંધાયો જ્યારે 1 શેરની કિંમત સ્થિર જોવા મળી. આ દરમ્યાન સેન્સેક્સ 242.32 અંક એટલે કે 0.66% મજબૂતી સાથે 37 226.96 પર જ્યારે નિફ્ટી 65.60 અંક એટલે કે 0.59% ના વધારા સાથે 11 232.90 પર હતો.
આમ બજાર સપ્તાહના છેલ્લા કારોબારી દિવસે નવી ઉંચાઈને શિખર કરતો જોવા મળ્યો. સેન્સેક્સ અને નિફ્ટી બંન્નેજ નવા સ્તર પર જોવા મળ્યા. જ્યારે રૂપિયામાં સુસ્ત શરૂઆત જોવા મળી. સેન્સેક્સ 200 અંકોની મજબૂતી સાથે અને નિફ્ટી 62 અંકોના વધારા સાથે નવા રેકોર્ડના સ્તરે ખુલ્યો.