કોરોના સંકટ વચ્ચે પ્રધાનમંત્રી નરેન્દ્ર મોદીએ અર્થવ્યવસ્થાને ગતિ આપવા માટે વિશેષ આર્થિક પેકેજની જાહેરાત કરી, જેને લઇને સપ્તાહના ત્રીજા દેવિસે શેર બજારની શરૂઆતમાં જોરદાર ઉછાળો જોવા મળ્યો છે. બોમ્બે સ્ટોક એક્સચેન્જનો પ્રમુખ ઇંડેક્સ સેન્સેક્સ 3.48 ટકાના વધારા સાથે 1093.17 પોઇન્ટ ઉપર 32,464.29 સ્તર પર ખુલ્યો, જ્યારે નેશનલ સ્ટોક એક્સચેંજનો નિફટી 3.43 ટકાના ઉછાળા સાથે 315.85 પોઇન્ટ ઉપર 9512.40 સ્તર પર ખુલ્યો.
અર્થવ્યવસ્થા માટે 20 લાખ કરોડ પેકેજની જાહેરાત
પીએમ મોદીએ જણાવ્યું કોરોના સંકટ વચ્ચે વિશેષ આર્થિક પેકેજની જાહેરાત કરી છે. આ પેકેજ ભરતના જીડીપીનો અંદાજે 10 ટકા છે. હાલમાં જ સરકારે કોરોના સંકટ સાથે જોડાયેલી આર્થિક જાહેરાત કરી હતી અને ગઇકાલે એક પેકેજનું એલાન કર્યું હતું.
વૈશ્વિક શેર બજારની પરિસ્થિતિમાં
વૈશ્વિક શેર બજારની સ્થિતિની વાતકરીએ તો અમેરિકાનું બજાર ડાઉન જોન્સ 1.89 ટકાના ઘટાડા સાથે બંધ જોવા મળ્યું હતું. નેસ્ડેક 2.06 ટકા ઘટાડાની સાથે નીચે બંધ જોવા મળ્યો હતો. એસએન્ડપી 2.05 ટકા, ચીનનો શંઘાઇ કમ્પોજિટ 0.18 ટકા તેમજ ફ્રાંસ, જર્મનીના માર્કેટ ઘટાડા સાથે બંધ જોવા મળ્યું હતું.
આ કંપનીના શેર ગ્રીન ઝોનમાં જોવા મળ્યાં
ભારતીય શેર બજારમાં ઉછાળા સાથે રિલાયન્સ, બજાજ ઓટો, બજાજ ફિન્સર્વ, પાવર ગ્રિડ, વેદાંતા લિમિટેડ, આઇસીઆઇસીઆઇ બેંક, ટાટા સ્ટીલ, ઝી લિમિટેડ, ડોકટર રેડ્ડી, એમએન્ડએમ ગ્રીન ઝોનમાં જોવા મળ્યાં.
આ કંપનીના શેર રેડ ઝોનમાં જોવા મળ્યાં
ભારતીય શેર બજારમાં ઉછાળા સાથે હિંડાલ્કો, વિપ્રો, ટેક મહિંદ્રા, એક્સિસ બેંક, એચડીએફશી, અલ્ટ્રાટ્રેક સિમેન્ટ, ઇન્ફોસિસ, ટીસીએસ, ગેલ, બીપીસીએલ રેડ ઝોનમાં જોવા મળ્યાં.