અઠવાડિયાના પહેલાં દિવસે શેરબજારમાં મોટો કડાકો જોવા મળ્યો હતો. કોરોના વાયરસની ચિંતાથી વૈશ્વિક બજારોમાં ઘટાડો જોવા મળ્યો હતો. બજારો ઘટાડા સાથે બંધ થયા હોવાથી સેન્સેક્સ 235 પોઈન્ટ તૂટ્યો. રૂપિયો પણ 19 પૈસાના ઘટાડા સાથે ખૂલ્યો હતો.
સોમવારે શેરબજારમાં જોવા મળ્યો કડાકો
કોરોના વાયરસની અસર શેરબજારમાં પણ વર્તાઈ
સેન્સેક્સ 235 પોઈન્ટ તૂટ્યો, રૂપિયો 19 પૈસા ઘટ્યો
અઠવાડિયાના પહેલાં દિવસે એટલે કે સોમવારે સેન્સેક્સ 42,380ના સ્તરે રહ્યો હતો. જ્યારે નિફ્ટી લગભગ 75 અંકના ઘટાડા સાથે એટલે કે 12, 175ના સ્તરે ખૂલ્યો હતો. રિયલ્ટીને બાદ કરતાં અન્ય તમામ બજારોમાં દબાવ જોવા મળ્યો હતો. નિફ્ટીનો રિયલ્ટી ઈન્ડેક્સ 0.02 ટકાના વધારા સાથે ગ્રીન ઝોનમાં ખૂલ્યો હતો.
આ કંપનીઓના શેર તૂટ્યા
ઓટો આઈટી, એફએમસીજી, ફાર્મા અને મેટલ પણ લાલ ઝોનમાં રહ્યા હતા. બેંકિંગ શેરોમાં પણ મોટો તફાવત જોવા મળ્યો. બેંક નિફ્ટી 0.5 ટકા તૂટ્યો અને 31, 089ના સ્તરે જોવા મળ્યો હતો.
આવી રહી પ્રમુખ શેરોની સ્થિતિ
દિગ્ગજ શેરોની સાથે મિડ અને સ્મોલકેપ શેર પણ નબળા રહ્યા હતા. બીએસઈના મિડકેપ ઈન્ડેક્સ 0.33 ટકા અને સ્મોલ કેપ ઈન્ડેક્સ 0.10 ટકાના ઘટાડા સાથે જોવા મળ્યો હતો. તેલ- ગેસના શેરમાં પણ આજે ઘટાડો નોંધાયો હતો. બીએસઈના ઓઈલ એન્ડ ગેસ ઈન્ડેક્સ 0.28 ટકાના ઘટાડાની સાથે કારોબાર કરી રહ્યો છે.
રૂપિયો 19 પૈસા ગગડ્યો
ડોલરની સરખામણીએ રૂપિયો આજે 19 પૈસા ઘટ્યો છે. આજે 71.51ની સાથે ખૂલ્યો છે. છેલ્લા કારોબારી દિવસે ડોલરની સરખામણીએ રૂપિયો 7 પૈસા ઘટ્યો અને સાથે 71.32ના સ્તરે બંધ થયો હતો.