તેજી / માર્કેટ મજામાં: સેન્સેક્સે લગાવી 1000 પોઈન્ટની છલાંગ, આ શેર તો રૉકેટની જેમ ઉછળ્યાં, લોકો માલામાલ

• સ્ટોક માર્કેટમા ચેતનવંતા પ્રાણ પુરાયા
• સેન્સેક્સ 1000 પોઈન્ટથી વધુના વધારા સાથે  કારોબાર
• રિલાયન્સ સ્ટોકના શેર રોકેટ ગતિએ આગળ વધ્યા

શેર બજારમાં ચાલતા સખળડખલ વચ્ચે આજે સ્ટોક માર્કેટમા ચેતનવંતા પ્રાણ પુરાયા છે અને બજાતમાં શાનદાર તેજી જોવા મળી રહી છે. જેમાં સેન્સેક્સ 1000 પોઈન્ટથી વધુના વધારા સાથે  કારોબાર કરી રહ્યો છે, બીજી તરફ નેશનલ સ્ટોક એક્સચેન્જના નિફ્ટીમાં પણ જોરદાર તેજી જોવા મળી રહી છે. જેમાં પણ રિલાયન્સ ઈન્ડસ્ટ્રીઝ લિમિટેડ કંપનીના રિલાયન્સ સ્ટોકના શેર રોકેટ ગતિએ આગળ વધી રહ્યા છે. જેના ભાગરૂપે રોકાણ રોકાણકારોને બખ્ખા થયા છે.
  

સેન્સેક્સમાં 1045 પોઈન્ટનો ઉછાળો

સપ્તાહના છેલ્લા ટ્રેડિંગ દિવસે એટલે કે શુક્રવારે શેરબજારની શરૂઆત લીલા નિશાન સાથે થઈ હતી. સકારાત્મક વૈશ્વિક સંકેતોને પગલે શેર બજાર તેજી જોવા મળી રહી છે. બપોરે 2.20 વાગ્યાના સમયગાળા દરમિયાન સુધીમાં BSE સેન્સેક્સ 1,045 પોઈન્ટ સાથે 59,006 સુધી પહોંચી ગયો હતો. બીજી તરફ NSE નિફ્ટી 291.25 પોઈન્ટ અથવા 1.71 ટકાના ઉછાળા સાથે 17,371.95 ના સ્તર પર ટ્રેન્ડ કર્યા હતો. આ જ તેજી બેંક નિફ્ટીમાં પણ જોવા મળી હતી. વધુમાં 701.10 પોઈન્ટ અથવા 1.76 ટકા વધીને 40,611.25ના સ્તરે ટ્રેડ થઈ રહ્યો હતો.

રિલાયન્સ ઇન્ડસ્ટ્રીઝ લિમિટેડના શેર ગીયર
બીજી તરફ મુકેશ અંબાણીની આગેવાની વાડી રિલાયન્સ ઇન્ડસ્ટ્રીઝ લિમિટેડના શેર ટોપ ગીયરમાં દોડી રહ્યા છે. રિલાયન્સ સ્ટોક 4.50 ટકા અથવા 100.55 રૂપિયાના વધારા સાથે 2,335.25 પર કારોબાર કરી રહ્યો છે. આ ઉપરાંત બીએસઇ લિમિટેડ આઇસીઆઇસીઆઇ બેન્કના શેર 3.06 ટકા, નેસ્ટલ ઇન્ડિયા ના શેર 2.39 ટકા તથા ટાટા મોટર્સ ના શેરમા 2.69 ટકાનો વધારો સાથે લીલા નિશાન પર જોવા મળી રહ્યા છે. રિલાયન્સના શેર લગભગ 15 દિવસ પછી 2300 રૃપિયાના આકડાને પર કર્યા છે.