તેજી / ઇકોનોમીમાં ઝડપી રિકવરીના RBIના સંકેતના પગલે શેરબજારમાં ઉછાળોઃ સેંસેક્સ પહેલી વાર 45,000ને પાર

શેરબજારમાં કારોબાર દરમિયાન સેંસેક્સ 45,023.79 સુધી ઉછળ્યો. શુક્રવારના રોજ શેરબજારની શરુઆત સપાટ જોવા મળી હતી. બોમ્બે સ્ટોક એકસચેંજનો સેંસેક્સ 33 પોઇન્ટના વધારા સાથે 44,665.91 પર ખૂલ્યો. જ્યારે નેશનલ સ્ટોક એક્સચેંજની નિફ્ટી 13 પોઇન્ટની તેજી સાથે 13,177 પર ખુલી. 

જો કે આરબીઆઇની મોનેટરિંગ પોલીસી જાહેર થયા બાદ સેંસેક્સે પહેલી વખત 45,000નો આંકડો પાર કર્યો છે. આમ આજે સપ્તાહના અંતિમ કારોબારી દિવસે શેરબજારમાં તેજી જોવા મળી છે. 

વ્યાજ દરમાં કોઇ ફેરફાર નહીં

ભારતીય રીઝર્વ બેંકની ત્રણ દિવસની MPC બેઠકના પરિણામ આવી ગયા છે. ભારતીય રીઝર્વ બેંકો વ્યાજ દરમાં કોઇ ફેરફાર કર્યો નથી. બધાની નજર એ વાત પર હતી કે રિઝર્વ બેંક વ્યાજ દરમાં કોઇ ફેર કરશે કે નહીં અને લોકોના EMI ઘટશે?

RBIના ગર્વનર શક્તિકાંત દાસે પત્રકાર પરિષદમાં જણાવ્યું કે વ્યાજદરમાં કોઇ ફેરફાર નહી કરવાનો નિર્ણય લેવામાં આવ્યો છે. આ સમયે રેપોરેટ 4 ટકા અને રિવર્સ રેપોરેટ 3.35 ટકા છે. કેશ રિઝર્વ રેશિયો 3 ટકા અને બેંક રેટ 4.25 ટકા છે. 

વ્યાજ દરમાં કોઇ ફેરફાર નહીં

• રેપોરેટ (Repo Rate) 4 ટકા
• રિવર્સ રેપો રેટ (Reverse Repo Rate) 3.35 ટકા
• એમએસએફ રેટ (MSF Rate) 4.25 ટકા
• બેંક રેટ (Bank Rate) 4.25 ટકા