કોરોના વાયરસનું સંકટ ભારતીય શેરબજારમાં યથાવત્ જોવા મળી રહ્યું છે. જેને લઇને રોકાણકારો હવે શોર્ટ ટર્મ કમાણી કરવાના મૂડમાં જોવા મળી રહ્યાં છે. એનો મતલબ એ કે કારોબારના સમય દરમિયાન રોકાણ કરવાનું અને કમાણી કરી બહાર નીકળી જવાનું.
સેન્સેક્સ એક મહીનામાં 12 હજાર પોઇન્ટ ઘટ્યો
રોકાણકારોને 46 લાખ કરોડથી વધારાનું થયું છે નુકસાન
સપ્તાહના અંતિમ કારોબારના દિવસે ભારતીય શેરબજારમાં પણ ઉતાર-ચઢાવ જોવા મળ્યો. શેરબજારમાં પ્રારંભે સેન્સેક્સ 300 પોઇન્ટની મજબુતી સાથે 28,600 પોઇન્ટ પર જોવા મળ્યો. એવી જ રીતે નીફ્ટીમાં પણ 70 પોઇન્ટની તેજી રહી અને 8,350 પોઇન્ટના સ્તર પર કારોબાર કરતી જોવા મળી. જો કો કારોબારની 20 મીનીટ બાદ જ બજારમાં જોવા મળેલી મજબૂતીનું ધોવાણ થઇ ગયું અને બજાર રેડ ઝોનમાં આવી ગયું.
રિલાયન્સ ઇન્ડસ્ટ્રીઝના શેર 2 ટકા વધ્યાં
પ્રારંભિક કારોબારમાં રિલાયન્સ ઇન્ડસ્ટ્રીઝના શેરમાં 2 ટકાનો વધારો જોવા મળ્યો. ખરેખર તો મુકેશ અંબાણી, તેમની પત્ની અને ત્રણ બાળકોએ એક અન્ય એકમ પાસેથી શેર ખરીદી રિલાયન્સ ઇન્ડસ્ટ્રીઝમાં પોતાના વ્યક્તિગત ભાગીદારી વધારી છે. આ અંગેની જાણકારી કંપનીએ આપી હતી.
ગુરૂવારના રોજ કારોબારના અંતે સેન્સેક્સ 2.01 ટકા એટલે કે 581 પોઇન્ટ ઘટીને 28,288.23 પોઇન્ટ પર બંધ થયો હતો. જ્યારે નિફ્ટીની વાત કરીએ તો 202 પોઇન્ટ એટલે કે 2.42 ટકા તુટીને 8,263.45 અંક પર બંધ થઇ હતી.