કોરોના વાયરસને વર્લ્ડ હેલ્થ ઓર્ગેનાઈઝેશન દ્વારા મહામારી જાહેર કર્યા બાદ ભારતીય શેરબજાર કડડભૂસ થઇ ગયા છે. સવારે માર્કેટ ખૂલ્યા ત્યારથી શેરબજાર સતત ગગડી રહ્યા છે.
કોરોના વાયરસનાં લીધે વિશ્વનાં બજારોમાં હાહાકાર
ભારતીય શેરબજારમાં ઈતિહાસનો સૌથી મોટો કડાકો
જાણકારો મુજબ રોકાણકારોનાં આશરે 11 લાખ કરોડ રૂપિયા ધોવાયા
ભારતીય અર્થતંત્રને કોરોના વાયરસનાં કારણે જોરદાર ઝટકો લાગ્યો છે. ભારત જ નહીં વિશ્વનાં શેરબજારોમાં કોરોના વાયરસનો ફફડાટ જોવા મળી રહ્યો છે. અમેરિકન શેરબજારની હાલત પણ ખૂબ ખરાબ છે. ભારતીય શેરબજારમાં ઈતિહાસનો સૌથી મોટો કડાકો જોવા મળ્યો છે. ભારતમાં શેરબજાર ખૂલ્યા બાદ સેન્સેક્સ 3160 અંક જ્યારે નિફ્ટી 900 અંક ગગડી ગયા.
એક તરફ કોરોનાનો કહેર અને બીજી તરફ ક્રૂડ ઓઈલની કિંમતમાં સતત ઘટાડો થતાં પડતા પર પાટું જેવા હાલ છે. સાઉદી અરામ્કોએ પ્રોડક્શન વધારવાની તૈયારી બતાવી તો ક્રૂડની કિંમતમાં નોંધપાત્ર ઘટાડો નોંધવામાં આવ્યો. અહેવાલ અનુસાર કંપની 10 લાખ બેરલ ઉત્પાદન વધારી શકે છે.
ભારતીય બજારમાં ચોતરફ હાહાકાર જોવા નળી રહ્યો છે. ગ્લોબલ સંકેતોનાં લીધે શેરબજાર ખૂલ્યા ત્યારથી જ સતત ઘટાડો થઇ રહ્યા હતા. તેલ અને ગેસનાં શેરમાં ભારે ગાબડાં પડ્યા છે. BSEનો ઓઈલ એન્ડ ગેસ ઇન્ડેક્સ 6 ટકાનાં ઘટાડા સાથે બિઝનેસ કરી રહ્યો છે.
બેંક નિફ્ટી બપોર બાદ 25000ની આસપાસ આવી ગયો. ઓટો ઇન્ડેક્સ 4.6 ટકા, ફાઈનેંશિયલ સર્વિસિસ ઇન્ડેક્સ 4.15 ટકા, આઈટી ઇન્ડેક્સ 5 ટકા સુધી ગગડી પડ્યા છે.