સ્ટોક માર્કેટ / સપ્તાહના પહેલાં જ દિવસે ભારતીય શેરબજારમાં ગાબડું, જુઓ સેન્સેક્સ અને નિફ્ટી કેટલાં પોઇન્ટ્સ ડાઉન

• શેરબજારની આજે મોટા ઘટાડા સાથે થઇ શરૂઆત
• સેન્સેક્સ 846.86 પોઈન્ટ્સ તૂટીને 53,988.72 પર ખુલ્યો
• નિફ્ટી 183.55 પોઈન્ટ્સ તૂટીને 16,227.70 ના લેવલ પર ખુલ્યો

શેરબજારની શરૂઆત જ આજે મોટા ઘટાડા સાથે થઈ છે અને વૈશ્વિક સંકેતો ચારે બાજુ નબળા જોવા મળી રહ્યાં છે, જેના કારણે સ્થાનિક શેરબજાર પર પણ તેની નકારાત્મક અસર થઈ છે. સેન્સેક્સ અને નિફ્ટી બંને 1-1 ટકાના ઘટાડા સાથે નીચે આવી ગયા છે.

Sensex slips 846.86 points, currently trading at 53,988.72 pic.twitter.com/thI6ZuZDG3

— ANI (@ANI) May 9, 2022

જાણો શું છે ઓપનિંગ ટ્રેડની સ્થિતિ?

આજે બજાર ખૂલતી વખતે, BSE 30 શેરવાળો સૂચકાંક સેન્સેક્સ 846.86 પોઈન્ટ્સ એટલે કે 1.18 ટકાના ઘટાડા સાથે 53,988.72 પર ખુલ્યો અને નિફ્ટી 183.55 પોઈન્ટ્સ એટલે કે 1.12 ટકાના ઘટાડા સાથે 16,227.70 ના લેવલ પર ખુલ્યો છે.

ક્ષેત્રીય સૂચકાંક (sectoral index)

આજે સૌથી વધુ ઘટાડો મેટલ શેરોમાં જોવા મળી રહ્યો છે અને તેઓ 2.75 ટકાના જંગી ઘટાડા સાથે કારોબાર કરી રહ્યાં છે. PSU બેંકના શેર 2.26 ટકા તૂટ્યા છે અને ઓઇલ એન્ડ ગેસ શેરમાં 2 ટકાનો ઘટાડો આવ્યો છે. આજે NSEના તમામ ક્ષેત્રીય સૂચકાંક ઘટાડા પર છે.

જુઓ નિફ્ટીમાં કેવો રહ્યો કારોબાર?

નિફ્ટીના 50માંથી માત્ર 4 શેરોમાં જ થોડી તેજી છે જ્યારે બાકીના 46 શેરોમાં આજે ઘટાડાનાં લાલ નિશાન ટ્રેડ થઈ રહ્યાં છે. બેંક નિફ્ટીમાં પણ મોટો ઘટાડો જોવા મળી રહ્યો છે અને તે 647.70 પોઈન્ટ અથવા 1.87 ટકાના ઘટાડા સાથે 33943 ના સ્તર પર છે.

આજના વધતા જતા શેર

NSE માં આજે ચઢવાવાળા શેરો પર નજર કરીએ તો UPL 0.82 ટકા અને ઇન્ફોસિસ 0.51 ટકાની ઉપર છે. બજાજ ઓટો અને HCL ટેંકમાં 0.40 ટકાની તેજી પર કારોબાર થઇ રહ્યો છે અને બજાજ ફિનસર્વ 0.39 ટકાની મજબૂતી સાથે ટ્રેડ કરી રહ્યાં છે.

પ્રી-માર્કેટમાં કારોબાર

આજે બજારના પ્રી-ઓપનિંગમાં શેરબજાર લાલ નિશાનમાં ટ્રેડ થઇ રહ્યો છે અને NSEનો નિફ્ટી 183.60 પોઈન્ટના ઘટાડા સાથે 16227ના સ્તરે ટ્રેડ થઈ રહ્યો છે. તો BSE સેન્સેક્સ 575 અંકોના ઘટાડા સાથે કારોબાર કરી રહ્યો હતો.