નિરાશા / શેર બજારમાં IT સેક્ટર પડ્યું નબડું, રોકાણકારોના કરોડો સ્વાહા, સેન્સેક્સ 520 અંક તૂટયો, આ શેર પડયાં કમજોર

• સપ્તાહના પ્રથમ દિવસે જ શેરબજારમાં સખળડખળ
• સેન્સેક્સ 524 પોઈન્ટના કડાકા સાથે બંધ
• ગાબડા પડેલા શેરોએ રોકાણકારોને રોવડાવ્યા

આજે સપ્તાહના પ્રથમ દિવસે જ શેરબજારમાં સખળડખળ જોવા મળી હતી.  IT શેરોમાં નોંધાયેલા મોટાપાયે ઘટાડાને પગલે સેન્સેક્સ 524 પોઈન્ટના કડાકા સાથે બંધ રહ્યો હતો. તો નિફ્ટી પણ 126 પોઈન્ટ નીચે બંધ થયો હતો. ત્રણ દિવસની રજા બાદ કારોબારના પ્રથમ દિવસે ભારતીય શેરબજારમાં નિરાશાના વાદળો છવાયા હતા.

સેન્સેક્સ 524 પોઈન્ટ તુટ્યો

ઈન્ફોસિસ હેઠળના આઈટી શેરોમાં મોટાપાયે ઘટાડો જેને પરિણામે બજારમાં મોટો ઘટાડો જોવા મળ્યો છે. આથી રોકાણકારો ડૂબ્યા હતા.આઇટી સેકટરમાં પડેલા ગાબડાને લઈને એક સમયે સેન્સેક્સ 1000 પોઈન્ટ અને નિફ્ટીમાં 254 પોઈન્ટ્સનો કડાકો નોંધાયો હતો. જોકે બજાર નીચલા સ્તરેથી તેજી નોંધાયા મહંદ અંશે રિકવર થયું હતું. બેન્કિંગ અને એફએમસીજી શેરોમાં ખરીદીને કારણે બજારમા સુધારો જોવા મળ્યો હતો.  આજના ટ્રેડિંગના અંતે BSE સેન્સેક્સ 524 પોઈન્ટ તૂટીને 60,000 થી 59,896 પર પટકાયો હતો. તો નિફ્ટી 126 પોઈન્ટના ઘટાડા સાથે 17,701 પોઈન્ટ પર અટક્યો હતો.

શેરની કિંમતની વાત કરવામાં આવે તો આજે બેન્કિંગ, એફએમસીજી, એનર્જી, ઓટો, ઓઈલ એન્ડ ગેસ, કન્ઝ્યુમર ડ્યુરેબલ્સ જેવા શેરે તેજીના પગલે રોકાણકારોને રાજી કરાવ્યા હતા. પરંતુ આઈટી, ફાર્મા, હેલ્થકેર જેવા સેક્ટરના શેરમા ગાબડા પડતા આ શેરે રોકાણકારોને રોવડાવ્યા હતા.  સ્મોલકેપ અને મિડકેપ ઈન્ડેક્સ શેર્સમાં ખરીદારી જોવા મળી રહી છે. વધુમાં BSE પર લિસ્ટેડ કંપનીનું માર્કેટ કેપિટલાઇઝેશન વધીને રૂ. 265.94 લાખ કરોડે પહોંચ્યું છે. જે અગાઉના ટ્રેડિંગ સેશનમાં તે રૂ. 265.93 લાખ કરોડ નોંધાયું હતું.