શેર બજાર ગુરુવારના રોજ નવા રેકોર્ડસ્તર પર પહોંચ્યું છે. સેંસેક્સ અત્યાર સુધીની પોતાની ઐતિહાસિક ઉંચાઇ પર ખુલ્યું છે. બોમ્બે સ્ટોક એક્સચેંજનો સેંસેક્સ 284 પોઇન્ટની તેજી સાથે 44,902 પર ખુલ્યો. સેંસેક્સે પહેલી વાર 44,900નો આંકડો પાર કર્યો છે. નેશનલ સ્ટોક એક્સચેંજનો નિફ્ટી 102 પોઇન્ટનીતેજી સાથે 13,215 પર ખુલ્યો હતો.
આ સેંસેક્સની અત્યાર સુધીની સૌથી રેકોર્ડ ઉંચાઇ છે. જો કે ત્યારબાદ શેરબજારમાં થોડી તેજી ઘટેલી જોવા મળી.
કયા શેરમાં જોવા મળી તેજી
કારોબારના પ્રારંભમાં અંદાજે 969 શેરમાં તેજી અને 226 શેરમાં ઘટાડો જોવા મળ્યો. બોમ્બે સ્ટોક એક્સચેંજમાં તેજી જે શેરોમાં જોવા મળી તેમાં એસબીઆઇ, મારુતિ, ટાટા સ્ટીલ, ઓએનજીસી, એશિયન પેંટ, બજાજ ફિનસર્વ સામેલ રહ્યાં. જ્યારે ઘટાડાવાળા શેરમાં એક્સિસ બેંક, પાવર ગ્રિડ, એચડીએફસી બેંક, સન ફાર્મા વગેરે સામેલ રહ્યાં
નિફ્ટી પીએસયુ બેંક ઇંડેક્સમાં 4 ટકા, મેટલ અને ઓટો ઇંડેક્સમાં 1-1 ટકાની તેજી આવી છે, જ્યારે આઇટી સેક્ટરમાં વેચવાલી જોવા મળી.
ક્રૂડ ઓઇલમાં ઘટાડો, રુપિયો સપાટ
ગુરુવારના રોજ આંતરરાષ્ટ્રીય માર્કેટમાં ક્રૂડ ઓઇલમાં ઘટાડો જોવા મળ્યો છે. ઉત્પાદનમાં ઘટાડાને લઇને સાઉદ અરબ અને રશિયા વચ્ચે સ્થિતિ વણસી છે. જેના કારણે આ નરમી જોવા મળી છે. જ્યારે ગુરુવારે રુપિયો સપાટ ખુલ્યો છે. ડોલરના મુકાબલે 73.81 પર ખુલ્યો. બુધવારે આ 73.80 પર બંધ થયો હતો.