આજે સેન્સેક્સ અને નિફ્ટીમાં ભારે ઉછાળો જોવા મળ્યો છે. સેન્સેક્સ 274 પોઇન્ટના ઉછાળા સાથે 41213 પર અને નિફ્ટી 12128 પર ટ્રેડ કરી રહી છે. ખાસ કરીને સેન્સેક્સ પ્રથમ વાર 41200ની સપાટી કુદાવવામાં સફળ રહ્યો છે. આજે રૂપિયાની નજીવા વધારા સાથે શરૂઆત થઇ હતી. રૂપિયો ડોલર સામે 4 પૈસા વધીને 70.95ની સપાટીએ ખૂલ્યો હતો, જ્યારે ગઇ કાલે ડોલર સામે રૂપિયો 18 પૈસા તૂટીને 70.99ની સપાટીએ બંધ રહ્યો હતો.
સેન્સેક્સ પ્રથમ વાર 41200ની સપાટી કુદાવવામાં સફળ
આજે લગભગ તમામ ઇન્ડેક્સ મજબૂત છે
ચીનના મજબૂત આંકડાથી બજારને સપોર્ટ મળ્યો
સેન્સેક્સ અને નિફ્ટી રેકોર્ડ હાઇ પર પહોંચી ગયા
આજે સેન્સેક્સ અને નિફ્ટી બંનેમાં ઓલ ટાઇમ હાઇ જોવા મળ્યો છે. સેન્સેક્સ આજે 90 પોઇન્ટની તેજી સાથે 41029 પર અને નિફ્ટી 26 પોઇન્ટની તેજી સાથે12079 પર ખૂલી હતી. ત્યાર બાદ સેન્સેક્સ અને નિફ્ટીમાં ભારે ઉછાળો જોવાયો છે અને આ લખાઇ રહ્યું છે ત્યારે સેન્સેક્સ 274 પોઇન્ટના ઉછાળા સાથે 41213 પર અને નિફ્ટી 12128 પર ટ્રેડ કરી રહી છે. આમ, સેન્સેક્સ અને નિફ્ટી રેકોર્ડ હાઇ પર પહોંચી ગયા છે. ખાસ કરીને સેન્સેક્સ પ્રથમ વાર 41200ની સપાટી કુદાવવામાં સફળ રહ્યો છે. નિફ્ટી 12150ની નજીક છે. આમ, આજે બજારમાં પ્રી બજેટ રેલી જોવા મળી રહી છે.
આજના ટ્રેડિંગમાં નિફ્ટી પર ચોમેરથી લેવાલી જોવા મળી રહી છે. આજે લગભગ તમામ ઇન્ડેક્સ મજબૂત છે. ગ્લોબલ ટ્રેન્ડની વાત કરીએ તો યુએસ માર્કેટ પણ તેજી સાથે બંધ રહ્યું છે અને એશિયન બજારમાં પણ તેજી જોવા મળી રહી છે. ચીનના મજબૂત આંકડાથી બજારને સપોર્ટ મળ્યો છે. પીએસયુ બેન્ક અને મેટલ શેરમાં ભારે લેવાલી જોવા મળી છે. ઓટો, એફએમસીજી અને ફાર્મા શેરમાં પણ ખરીદી જોવા મળી રહી છે. આજના ટોપ ગેનર્સમાં વેદાંતા, ટાટા સ્ટીલ, યસ બેન્ક, ઇન્ફોસિસ, મારુતિ અને ટીસીએસનો સમાવેશ થાય છે, જ્યારે આજના ટોપ લુઝર્સમાં ઓએનજીસી, એનટીપીસી, સન ફાર્મા, પાવર ગ્રીડ, બજાજ ઓટો સામેલ છે.
આજે રૂપિયાની નજીવા વધારા સાથે શરૂઆત થઇ હતી. રૂપિયો ડોલર સામે 4 પૈસા વધીને 70.95ની સપાટીએ ખૂલ્યો હતો, જ્યારે ગઇ કાલે ડોલર સામે રૂપિયો 18 પૈસા તૂટીને 70.99ની સપાટીએ બંધ રહ્યો હતો.