રાજકારણ / કોંગ્રેસના સીનિયર નેતાની ધરપત: મોદી યુગ પુરો થતાં ભાજપ ટકી શકશે નહીં, કોંગ્રેસ આજીવન રહેનારી પાર્ટી

• પાંચ રાજ્યોની ચૂંટણીમાં કોંગ્રેસની ભૂંડી હાર
• હાર બાદ મંથન શરૂ થયાં
• દિગ્ગજ નેતાઓ કહી દીધી આ વાત

પાંચ રાજ્યોની ચૂંટણીમાં હાર બાદ કોંગ્રેસમાં મંથન અને બેઠકો ચાલી રહી છે. આ પાંચ રાજ્યોમાંથી કોંગ્રેસે પોતાનું એક માત્ર રાજ્ય પંજાબ પણ ખોઈ દીધું છે. ત્યારે આવા સમયે કોંગ્રેસના વરિષ્ઠ નેતા વીરપ્પા મોઈલીએ હારના કારણે થયેલા ફજેતાથી બચવા માટે પાર્ટીનો બચાવ કર્યો હતો. તેમણે કહ્યું હતું કે, ભાજપ અને અન્ય પાર્ટીઓ આવતી જતી રહેશે. પણ કોંગ્રેસ એકમાત્ર પાર્ટી છે, જે હંમેશા રહેશે. આની સાથે જ તેમણે પાર્ટીના નેતાઓને સત્તામાં પાછા આવતા પોતાના એટીટ્યૂડમાં બદલાવ લાવવાનું પણ કહ્યું છે.

Just because we're not in power Congress leaders or workers should not panic. BJP and other parties are transit passengers, they'll come & go, it's the Congress that'll remain here. We should be committed to the downtrodden & need not lose hope: Congress leader M.Veerappa Moily pic.twitter.com/RmeZeDPrCE

— ANI (@ANI) March 18, 2022

હિંમ્મત નહીં હારવાની વાત કહી

મોઈલીએ કહ્યું કે, ચૂંટણી જીતવા માટે કોંગ્રેસના નેતાઓ જીંદગી, સમાજ અને દરેક વસ્તુ પ્રત્યે પોતાના દ્રષ્ટિકોણ બદલવો પડશે. તેમણે કહ્યું કે, કોંગ્રેસ હંમેશા રહેનારી પાર્ટી છે. આપણે દલિતો માટે કામ કરવાનું છે અને હિમ્મત નથી હારવાની.

G- 23 નેતાઓને કર્યા ટાર્ગેટ

આપને જણાવી દઈએ કે, વિરપ્પા મોઈલીએ આ નિવેદન ગુલામ નબી આઝાદના ઘર જી 23 નેતાઓની મીટિંગ બાદ આવ્યું છે. ત્યારે આવા સમયે તેમણે કહ્યું કે, જી 23 જૂથ પાર્ટીના સીનિયર નેતાઓને ટાર્ગેટ કરી રહ્યા છે અને તેઓ કોંગ્રેસને નબળી પાડી રહ્યા છે. તેમણે કહ્યું કે, ભાજપ હંમેશા રહેનારી પાર્ટી નથી. મોદી બાદ તેમનું ટકી રહેવુ અઘરુ છે.