જો તમે પેટીએમ ફ્રીચાર્જ મોબિક્વિક અમોઝોન પે પેજેપ જીઓ વોલેટ જેવા મોબાઇલ વેલેટનો ઉપયોગ કરી રહ્યાં છો તો ટૂંક સમયમાં તમને આ સુવિધા મળવા જઇ રહી છે. આ સુવિધા થકી તમે એક ઇ-વોલેટથી બીજા વોલેટમાં પૈસા ટ્રાન્સફર કરી શકશો. હાલના સમયમાં એક વોલેટમાંથી બીજા વોલેટમાં પૈસા ટ્રાન્સફર કરી શકાતા નથી.
ભારતીય રિઝર્વ બેન્ક(RBI)એ મંગળવારે એક ગાઇડલાઇન જારી કરવામાં આવી છે. જેમાં મોબાઇલ વોલેટ જેવા પ્રીપેડ પેમેન્ટ ઇન્સ્ટ્રૂમેન્ટ(PPI)ની વચ્ચે એકબીજા સાથે પેમેન્ટ કરવાની સુવિધા આપવા અંગે જણાવવામાં આવ્યું છે.
ઇ-વોલેટ વચ્ચે થઇ શકશે પૈસા ટ્રાન્સફર:
RBIના આ પગલાથી ઇ-વોલેટ વચ્ચે પૈસા ટ્રાન્સફર થઇ શકશે. સાથે જ તેમાં ડિજિટલ ટ્રાન્જેક્શનને પણ પ્રોત્સાહન મળશે. ગાઇડલાઇનમાં મોબાઇલ વોલેટ અને કાર્ડ્સ વચ્ચે ઓપરેબિલિટી વધારવાની વાત કરી છે. સાથે જ ગ્રાહકોની સુરક્ષા અને ફરિયાદોના નિરાકરણને પણ સુનિશ્ચિત કરવા માટે કહેવામાં આવ્યું છે. RBIની ગાઇડલાઇન્સ અનુસાર ડિજિટલ વોલેટ કંપનીઓ સરકાર સમર્થિત પેમેન્ટ નેટવર્કનો ઉપયોગ કરી શકે છે. તેવામાં હવે મોબાઇલ વોલેટ્સ વચ્ચે પૈસા ટ્રાન્સફર થઇ શકશે. મોબાઇલ વોલેટ અને બેંક ખાતાઓ વચ્ચે ઇન્ટર ઓપરેબિલિટીની સુવિધા યુનિફાઇડ પેમેન્ટ્સ ઇન્ટરફેસ ( UPI ) સિસ્ટમ થકી આપવામાં આવશે. KYCનું પાલન કરનારા તમામ PPI એકાઉન્ટને આ સુવિધા મળશે.