વિવાદ / સેનેટરી ઈન્સ્પેક્ટરની ભરતીમાં સગાવાદ! દર્દીઓનાં આરોગ્ય સાથે ચેડાં

જામનગર (jamnagar) જિલ્લા પંચાયતની આરોગ્ય શાખા અને ખુદ જિલ્લા આરોગ્ય અધિકારી સેનેટરી ઇન્સ્પેકટર (Senate Inspector) ની ભરતીને લઈને વિવાદમાં સપડાયા છે. મુખ્ય આરોગ્ય અધિકારીએ તેના કથિત સગાને બોગસ ડિગ્રીના આધારે પટાવાળામાંથી સીધા સેનેટરી ઇન્સ્પેકટર બનાવી દીધા હોવાનો આક્ષેપ લાગ્યા છે. તો સગાવાદમાં કઈ રીતે થઈ રહ્યાં છે દર્દીઓના આરોગ્ય સાથે ચેડાં જોઈએ આ અહેવાલ.

જામનગર જિલ્લા પંચાયત હાલ સેનેટરી ઇન્સ્પેકટરની ભરતીને લઈને વિવાદમાં આવી છે. તેનું કારણ બન્યાં છે ઈનચાર્જ જિલ્લા આરોગ્ય અધિકારી એ.જે બથવારનો  સગાવાદ. એ.જે.બથવાર દ્વારા તારીખ 12 ફેબ્રુઆરી 2016નાં એક પત્રથી અર્બન હેલ્થ સેન્ટર સિક્કામાં સેનેટરી ઇન્સ્પેક્ટરની ખાલી જગ્યા પર પોતાના સગાને ગોઠવી દીધાં છે. જો કે વિવાદ સગાને ગોઠવવાનો નહીં પરંતુ જે તે ઉમેદવારની એસ.આઈની બોગસ ડિગ્રી હોવાનાં કારણે ઊભો થયો છે.

આક્ષેપ એ છે કે, એસ.આઈ.ની  બોગસ ડિગ્રી ધરાવતા અને બથવારનાં કૌટુંબિક જમાઈ તરીકે ઓળખાતા કિશોર પડાયાને સેનેટરી ઈન્સ્પેક્ટર તરીકે નોકરી આપી દેવામાં આવી છે. અમદાવાદ ખાતેની ઈન્ડીયન રેડ કૉર્સ સંસ્થાની  ડિગ્રીના આધારે પડાયાને અપાવેલ નિમણુક બાદ હવે સાડા ત્રણ વર્ષ બાદ આ પ્રકરણ બહાર આવ્યું છે. કિશોર પડાયાએ પોતાના કૌટુંબિક સસરાની મહેરબાનીથી બોગસ ડિગ્રી પર સેનેટરી ઇન્સ્પેક્ટર તરીકે નોકરી મેળવી લીધી પરંતુ કામ આવડતું ન હોવાની અનેક ફરિયાદો ઉઠી તો અધિક જિલ્લા આરોગ્ય અધિકારીએ તપાસ કરવાની ફરજ પડી. તો આખું પ્રકરણ બહાર આવ્યું. જો કે, પોતાનાં પર લાગેલા આક્ષેપોનો અગે ઈનચાર્જ જિલ્લા આરોગ્ય અધિકારી આ પ્રકારનો બચાવ કરી રહ્યાં છે.

એક પટાવાળા તરીકે નીકરી કરતા કિશોર પડાયા કઈ રીતે વગશાહીની મદદથી  એકાએક સેનેટરી ઇન્સ્પેકટર બની ગયા તેના પર નજર નાખવા જેવી છે. જામનગર જિલ્લા પંચાયત સંલગ્ન સિક્કા આરોગ્ય કેન્દ્રનાં કથિત સેનેટરી ઇન્સ્પેક્ટર કિશોર પડાયાએ ખીલોસ ટીચર્સ યુનિવર્સિટી અમદાવાદમાંથી 14 મેથી એપ્રિલ 15 દરમિયાન એસ. આઈ. નો અભ્યાસ કર્યો હતો. પરંતુ આ સમય દરમિયાન સિક્કાનાં અર્બન હેલ્થ સેન્ટરના હાજરીપત્રકમાં પણ તેમની હાજરી બોલે છે.

આ હાજરીએ એવી શંકા જન્માવી છે કે, કિશોર પડાયાએ એસ.આઈનો અભ્યાસ જ નથી કર્યો પરંતુ માત્ર  ડિગ્રી જ મેળવી લીધી છે. જે બોગસ હોવાની શક્યતાઓ સેવાઇ રહી છે. પરંતુ તેમ છતાં આઉટસોર્સિંગ એજન્સી દ્વારા ડોક્યુમેન્ટની ચોકસાઈ થઈ. ખરાઈ કર્યા વગર કિશોર પડાયાની એસ.આઈ પદે નિમણૂંક કરવામાં આવી હતી. હાલ તો જીલ્લા આરોગ્ય અધિકારીએ સગાવાદ ચલાવી ભરતી કૌભાંડ આચર્યુ છે આવો આક્ષેપ ખુદ આરોગ્ય સમિતિનાં ચેરમેન કરી રહ્યાં છે.

જો કે વિવાદ વધારે તૂલ પકડે તે પહેલાં બોગસ ડિગ્રી ધરાવતા સેનેટરી ઇન્સ્પેક્ટર એવાં કિશોર પડાયાને ફરજ પરથી દૂર કરી દેવામાં આવ્યાં છે. જામનગર જીલ્લા પંચાયતમાં સેનેટરી ઈન્સ્પેક્ટરની ભરતીનું કૌભાંડ થયું છે કે કેમ? તે સંબંધે તપાસ પૂર્ણ થયે સંપૂર્ણ વિગતો બહાર આવશે. પરંતુ હાલ જે કંઈ દસ્તાવેજી પુરાવા મળી રહ્યાં છે તે ભરતીમાં ગેરરીતિ થઇ હોવા તરફ ઈશારો કરે છે.