રાજનીતિ / સુરતમાં 14 ઓગસ્ટે VNSGUની સેનેટ ચૂંટણી, સી.આર. પાટીલનો પુત્ર ઉમેદવાર, કેજરીવાલ પણ એક્શનમાં

• VNSGUની સેનેટ  ચૂંટણી માટે ABVPએ ઉમેદવારોની કરી જાહેરાત
• સી.આર.પાટીલના પુત્ર જીગ્નેશ ડોનર સીટ ઉપરથી ABVPના ઉમેદવાર
• AAP પણ આ વખતે સેનેટ ચૂંટણીમાં લગાવશે દાવ
• દિલ્લીના મુખ્યમંત્રી કેજરીવાલ સેનેટ ચૂંટણીમાં લઇ રહ્યા છે સીધો રસ

સુરતમાં આગામી દિવસોએ વીર નર્મદ દક્ષિણ ગુજરાત યુનિવર્સિટીની સેનેટ ચૂંટણી યોજાઇ રહી છે. જોકે આ ચૂંટણીને લઈ બે મોટી વાત સામે આવી છે. પહેલી એ કે આ સેનેટની ચૂંટણીમાં સી.આર.પાટીલના પુત્ર જીગ્નેશ પાટીલ  ડોનર સીટ ઉપરથી ABVPના ઉમેદવાર બન્યા છે. તો બીજી વાત એ કે, આમ આદમી પાર્ટી પણ આ વખતે સેનેટ ચૂંટણીના મેદાનમાં હોય અરવિંદ કેજરીવાલ આ ચૂંટણીમાં સીધો રસ લઈ રહ્યા છે. 

સુરતમાં 14 ઓગસ્ટે VNSGUની સેનેટ ચૂંટણી

સુરતમાં આગામી 14 ઓગસ્ટે વીર નર્મદ દક્ષિણ ગુજરાત યુનિવર્સિટીની સેનેટ ચૂંટણી યોજાઇ રહી છે. જેને લઈ જનરલ તથા ડોનર ઉમેદવારોની યાદી જાહેર કરવામાં આવી છે. જેમાં ભાજપ પ્રદેશ પ્રમુખ સી આર પાટીલના પુત્ર  જીગ્નેશ પાટીલ ડોનર સીટ ઉપરથી ABVPના ઉમેદવાર જાહેર થયા છે. આ તરફ હવે સેનેટની ચૂંટણીમાં ત્રીપાંખીયો જંગ જોવા મળશે.

પાટીલ પુત્ર જીગ્નેશ ડોનર સીટ ઉપરથી ABVPના ઉમેદવાર

ગુજરાત ભારતીય જનતા પાર્ટીના પ્રદેશ પ્રમુખ સી આર પાટીલનો પુત્ર જીગ્નેશ પાટીલે પણ આ વખતે VNSGUની સેનેટ ચૂંટણીમાં ઉમેદવારી નોંધાવી છે. જનરલ તથા ડોનર ઉમેદવારોની જે યાદી જાહેર કરી તેમાં જીગ્નેશ પાટીલ ડોનર સીટ ઉપરથી ABVPના ઉમેદવાર જાહેર થયો છે. 

VNSGUની સેનેટ ચૂંટણીમાં AAP પણ મેદાનમાં 

વીર નર્મદ દક્ષિણ ગુજરાત યુનિવર્સિટીની સેનેટ ચૂંટણીમાં આ વખતે આમ આદમી પાર્ટીએ પણ ઝંપલાવ્યું છે. વિગતો મુજબ આમ આદમી પાર્ટી આ વખતે સેનેટની ચુંટણી લડવાની છે. જેને લઈ આપના રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલ આ ચુંટણીમાં સીધો રસ લઈ રહે છે. 

કોણ-કોણ છે ઉમેદવાર 

સેનેટ

• કોમર્સ- પ્રધ્યુમન જરીવાલા
• આર્ટસ- કનુ ભરવાડ
• એજ્યુકેશન- ભાર્ગવ રાજપૂત
• મેનેજમેન્ટ- દિશાન્ત 
• સાયન્સ- અમિત 
• કોમ્પ્યુટર સાયન્સ- ગણપત ભાઈ
• ભાવિન ભાઈ
• આર્કિટેક - ભુવનેશ
• હોમિયો વિભાગ - ડો. સતીશ પટેલ
• મેડિકલ વિભાગ-  ડો. ચેતન પટેલ

ડોનર વિભાગની બે સીટ પર 

• ડો.કશ્યપ ખરચિયા.
• જીગ્નેશ પાટીલ