અક્ષય કુમાર અને ઈમરાન હાશ્મીની ફિલ્મ સેલ્ફી બોક્સ ઓફિસ પર નિષ્ફળ રહી છે.વીકેન્ડ પર ફિલ્મી કોઈ ખાસ કમાલ કર્યો નથી, પાંચમા સપ્તાહમાં પણ પઠાણનું પ્રદર્શન સેલ્ફી કરતાં સારું રહ્યું છે.
બોક્સ ઓફિસ પર ફેલ રહી અક્ષય કુમારની 'સેલ્ફી'
2022માં પણ અક્ષય કુમાર નહતો કરી શક્યો કમાલ
'સેલ્ફી' એ મલયાલમ ફિલ્મ ' ડ્રાઇવિંગ લાઇસન્સ' ની રિમેક
શાહરુખ ખાનની ફિલ્મ પઠાણની સફળતા બાદ કાર્તિક આર્યનની શહેઝાદા અને અક્ષય કુમારની સેલ્ફી બોક્સ ઓફિસ પર કોઈ ખાસ કમાલ નથી કરી શકી. બંને ફિલ્મના ખરાબ પ્રદર્શનથી ફિલ્મ ઇન્ડસ્ટ્રી શોકમાં છે.
બોક્સ ઓફિસ પર ફેલ રહી અક્ષય કુમારની 'સેલ્ફી '
અક્ષય કુમાર અને ઈમરાન હાશ્મીની ફિલ્મ સેલ્ફી બોક્સ ઓફિસ પર નિષ્ફળ રહી છે. જણાવી દઈએ કે ફિલ્મે ત્રણ દિવસમાં માત્ર 10.24 કરોડનું કલેક્શન કર્યું અને ફિલ્મ આટલું ખરાબ પ્રદર્શન કરશે એવી કોઈએ વિચાર્યું પણ નહતું. ફિલ્મે રિલીઝના પહેલા દિવસે 2.55 કરોડની ખરાબ ઓપનિંગ કરી હતી. વીકેન્ડ પર ફિલ્મની કમાણીમાં ઉછાળો આવે તેવી અપેક્ષા હતી, પરંતુ એવું થયું નહીં. ફિલ્મ બીજા દિવસે 3.80 કરોડની કમાણી કરી હતી અને ત્રીજા દિવસે માત્ર 3.90 કરોડની કમાણી કરી હતી. જણાવી દઈએ કે પાંચમા સપ્તાહમાં પણ પઠાણનું પ્રદર્શન સેલ્ફી કરતાં સારું છે.
2022માં પણ અક્ષય કુમાર નહતો કરી શક્યો કમાલ
અક્ષય કુમારની 2022 માં રિલીઝ થયેલી 'રામ સેતુ', 'રક્ષા બંધન', 'સમ્રાટ પૃથ્વીરાજ', 'બચ્ચન પાંડે' બધી બોક્સ ઓફિસ પર કોઈ પ્રદર્શન કરવામાં નિષ્ફળ રહી. જ્યારે 'સેલ્ફી' અક્ષય કુમારની વર્ષ 2023 ની પહેલી રિલીઝ ફિલ્મ છે. એવામાં મેકર્સ અને અક્ષય કુમારને આ ફિલ્મથી ઘણી આશા હતી પણ આ ફિલ્મ બોક્સ ઓફિસ પર દર્શકોને આકર્ષવામાં નિષ્ફળ રહી છે અને 3 દિવસમાં ફિલ્મે માત્ર 10.24 કરોડનું કલેક્શન કર્યું છે.
24 ફેબ્રુઆરીના રોજ રિલીઝ થયેલ ફિલ્મનું નિર્દેશન રાજ મહેતા દ્વારા કરવામાં આવ્યું છે, જેમણે અક્ષય કુમારની સામે 2019 માં સુપરહિટ ફિલ્મ ગુડ ન્યૂઝ આપી હતી. ફિલ્મમાં અક્ષય કુમાર ઈમરાન હાશ્મી ડાયના પેન્ટી અને નુસરત ભરૂચાએ મુખ્ય ભૂમિકા ભજવી હતી.
' સેલ્ફી' એ મલયાલમ ફિલ્મ ' ડ્રાઇવિંગ લાઇસન્સ' ની રિમેક છે
'સેલ્ફી' એ મલયાલમ ફિલ્મ 'ડ્રાઇવિંગ લાયસન્સ' ની સત્તાવાર હિન્દી રિમેક છે, જેમાં પૃથ્વીરાજ અને સૂરજ વેંજારામુડુએ મુખ્ય ભૂમિકાઓ ભજવી હતી. બીજી તરફ રાજ મહેતા દ્વારા નિર્દેશિત 'સેલ્ફી'માં અક્ષય કુમાર, ઈમરાન હાશ્મી, નુસરત ભરૂચા અને ડાયના પેન્ટીએ મુખ્ય ભૂમિકા ભજવી છે. આ ફિલ્મ 24 ફેબ્રુઆરી 2023ના રોજ સિનેમાઘરોમાં રિલીઝ થઈ હતી.
અક્ષય કુમારે 10 વર્ષમાં 8 ફ્લોપ એન 4 સુપર હિટ ફિલ્મો આપી
જો અક્ષય કુમારની છેલ્લા 10 વર્ષમાં રિલીઝ થયેલી ફિલ્મોના બોક્સ ઓફિસ કલેક્શનની વાત કરીએ તો તેની 28 ફિલ્મો રિલીઝ થઈ છે જેમાં અક્ષયે મુખ્ય ભૂમિકા ભજવી હતી. એક રિપોર્ટ અનુસાર આમાંથી 4 ફિલ્મો સુપર હિટ, 6 હિટ, 5 સેમી હિટ, 5 એવરેજ અને 8 ફ્લોપ જાહેર કરવામાં આવી હતી.