Video / છોટાઉદેપુરઃ જીવના જોખમે નર્મદા કેનાલ પર યુવકો લઇ રહ્યા છે સેલ્ફી

બોડેલી નજીક આવેલી નર્મદાની મુખ્ય કેનાલ પર યુવકો સેલ્ફી લઈ રહ્યા છે. દિવાલ પર બેસીને યુવકો સેલ્ફી લેતા હોય તેવો વીડિયો વાયરલ થયો છે. મહત્વનું છે કે કેનાલમાં પડી જવાથી અનેક લોકોના મોત થયા હોવાનું સામે આવ્યું છે.

આ આકરી ગરમીમાં લોકો વોટરફોલ, વોટરપાર્ક, સ્વીમિંગ પુલ જેવી જગ્યાઓ પર ન્હાવા માટે જાય છે. ત્યારે કેટલાક લોકો તળાવ, સરોવર, નદી-નાળા, કેનાલોમાં ન્હાતા જોવા મળે છે. આ દરમિયાન જોખમી સ્ટંટ કરતા નજરે પડે છે, જેના કારણે જીવનું જોખમ હોય છે. 

ત્યારે છોટાઉદેપરમાં બોડેલી નજીક નર્મદા કેનાલ પર કેટલાક યુવકો જોખમી સેલ્ફી લેતા નજરે પડી રહ્યા છે. તેઓ કેનાલ પર આવેલ પુલની પાળી પર બેસીને સેલ્ફી લઇ રહ્યા હતા. જે કોઇ દુર્ઘટના સર્જી શકે છે.