દેશમાં જે પ્રમાણે બળાત્કાર અને મહિલાઓની છેડતીના બનાવો દીન પ્રતિદીન વધી રહ્યા છે. તે જોતા લાગે છે કે હવે મહિલાઓએ પોતે જ પોતાની મદદ કરવી પડશે. કોઇ આવે અને તેમને બચાવે એવી આશા કરતા સેલ્ફ ડિફેન્સના પાઠ ભણી ગુનેગારોને પોતાની સાચી ઓળખ આપવાનો સમય હવે આવી ગયો છે.
દેશમાં વધી રહ્યા છે મહિલાની છેડતીના બનાવો
મહિલાઓએ પોતે જ પોતાની મદદ કરવી પડશે
ફીજીકલ-મેન્ટલી બન્ને રીતે સ્ટ્રોંગ છે કરાટે
દેશમાં જે પ્રમાણે બળાત્કાર અને મહિલાઓની છેડતીના બનાવો દીન પ્રતિદીન વધી રહ્યા છે. તે જોતા લાગે છે કે હવે મહિલાઓએ પોતે જ પોતાની મદદ કરવી પડશે. કોઇ આવે અને તેમને બચાવે એવી આશા કરતા સેલ્ફ ડિફેન્સના પાઠ ભણી ગુનેગારોને પોતાની સાચી ઓળખ આપવાનો સમય હવે આવી ગયો છે.
દિલ્હીમાં બની ઘટના
દિલ્લી જેવા મેટ્રો શહેરમાં ગાર્ગી કામ કરતી હતી. નિત્ય સમય પ્રમાણે પોતાની ઓફીસનું વર્ક પુર્ણ કરી રાત્રીના આઠ કલાકે ઘર જવા નિકળી. પરંતુ કોઇ કારણસર બસ ના મળતા તેને લેટ થઇ ગયુ. ટેક્સી લેવા માટે તે આગળ વધી ત્યાં તેને ખ્યાલ આવ્યો કે ત્રણ યુવક તેની પાછળ આવી રહ્યા છે. તેને પોતાની ગતી વધારી ત્યાં તો યુવકોએ તેને દોડીને ઘેરી લીધી. ત્રણે દુષ્ટ યુવકો પોતાની ખરાબ નજર તેની પર નાંખી રહ્યા હતા. ત્યારે ગાર્ગીએ એટલુ જ કહ્યુ કે જવાદો મને નહીતર જે થશે તેના જવાબદાર તમે જ હશો.
સ્વરક્ષણ કરતા શીખો
નરાધમો હસી રહ્યા હતા ગાર્ગીએ પોતાનું પર્સ સાઇડમાં મુકીને કરાટેના ત્રણ જ પંચમાં ત્રણેને ભોય ભેગા કરી દીધા. હજુ તે લોકો ઉભા થાય તે પહેલા ગાર્ગી ત્યાંથી ભાગી નિકળી પોતાની જાતને બચાવવામાં ગાર્ગી સફળ નિવડી કારણ કે તે સેલ્ફ ડિફેન્સના પાઠ ભણી ચૂકી હતી. પરંતુ જો ગાર્ગી કરાટે કે માર્શલ આર્ટના જાણતી હોત તો.. ? તો બીજા દિવસે તેના રેપના, છેડતીના કે પછી મારીને નાંખી દેવામાં આવેલી યુવતી મળી છે તેવા સમાચારો સાંભળવા અને વાંચવા મળે. પરંતુ સમાજમાં આવી ગાર્ગી ઘણી ઓછી છે. કારણ કે આપણા ત્યાં દિકરીઓને રસોઇ બનાવતા, કપડા સીવતા , ઘરના કામ કરતા અને વધૂમાં વધૂ લખતા વાંચતા શીખવવામાં આવે છે. ક્યારેય એમ કહેવામાં નથી આવતુ કે દિકરી આ બધુ તો શીખાશે પહેલા સ્વયંમની રક્ષા કરતા શીખ.
સેલ્ફ ડિફેન્સ દરેક ફિલ્ડમાં જરૃરી
આ વીશે વાત કરતા શિંતોર્યા કરાટે ડુ ઇન્ડિયાના પ્રીન્સીપલ સેન્સી હેમા શર્મા કહે છે કે, સેલ્ફ ડિફેન્સ તો દરેક ફિલ્ડમાં જરૂર છે. ડગલેને પગલે સ્વ રક્ષણ અનિર્વાય છે. સેલ્ફ ડિફેન્સ શરીર કરતા મન અને દિમાગની ટ્રેનિંગ છે. કરાટે તે માત્ર મારધાડ નથી તેમાં એવી ટ્રીક હોય છે. જેનાથી તમારુ મન તો મક્કમ બને જ છે સાથે જ તમે સ્વરક્ષણ માટે બરોબર પ્રીપેડ બનો છો.
યુવતિઓએ માર્શલ આર્ટ તો શીખવુ જ જોઇએ
શ્રીજી શકુંત પટેલ કરાટેમાં પર્પલ બેલ્ટ પ્રાપ્ત કર્યો છે. એટલુ જ નહી ચાર ગોલ્ડ, બે સિલ્વર અને એક બ્રોન્સ મેડલ મેળવી પરિવાર સહિત પોતાની શાળા, સર અને રાજ્યનું નામ રોશન કર્યુ છે. નેશનલ લેવલે ચેમ્પીયન રહેલી શ્રીજી કહે છે કે, બાળપણથી જ મને કરાટે શીખવાનો શોખ હતો. મમ્મી-પપ્પા પણ આ બાબતે હંમેશા પ્રોત્સાહન આપતા રહેતા. પહેલા હું શોખ માટે શીખતી હતી પરંતુ હવે એવુ લાગે છે કે દરેક યુવતીઓએ માર્શલ આર્ટ તો શીખવુ જ જોઇએ.
પોતાની રક્ષા જ્યારે જાતે કરવાની આવે ત્યારે એટલા પ્રીપેડ હોવા જ જોઇએ કે સામેની વ્યક્તિને તમે જમીન બતાવી શકો. મારા પપ્પા મને અને મારી બહેનને શેર કહે છે, અને હંમેશા શિખવે છે કે તમે ક્યારેય પોતાની જાતને બીચારા ના સમજતા અમે તો સતત તમારી સાથે છીએ પરંતુ ઘણી એવી લડાઇ હશે જે તમારે એકલા લડવુ પડશે અને તેની માટે સ્વ રક્ષણનું શિક્ષણ અનિર્વાય છે. મમ્મી પણ હંમેશા અમને સર્પોટ કરે છે. મને ઘણા બધા મેડલ મેળ્યા છે તેની ખુશી છે પરંતુ મારી અને મારા જેવી અન્ય યુવતીઓની હું રક્ષા કરી શકુ છું તેનો મને ગર્વ છે.
ફીજીકલ-મેન્ટલી બન્ને રીતે સ્ટ્રોંગ છે કરાટે
દિપ્તી મહેતાના નામે એક બે નહીં પરંતુ ઘણી બધી સીધ્ધીઓ છે. કરાટેમાં બ્લેક બેલ્ટ મેળવનાર દિપ્તીને ૨૦૧૨માં બેસ્ટ ર્સ્પોટ વુમનનું સન્નમાન પણ મળ્યુ છે. આ વીશે વાત કરતા કહે છે કે, કરાટે ફીજીકલી અને મેન્ટલી બન્ને રીતે સ્ટ્રોંગ બનાવે છે. તમારી સ્ટ્રેન્થ વધે છે મને અત્યારે કોઇ પણ જગ્યાએ જતા ડર નથી લાગતો. જ્યારે કોઇ પ્રોબ્લમ આવે ત્યારે પોતાનો બચાવ કેવી રીતે કરવો તેટલી આવડત હોવી જરૂરી છે. કોઇ પણ ફિલ્ડમાં કામ કરતા હોવ ત્યારે કોણ કેવુ છે તે જાણી નથી શકાતુ માટે સેલ્ફ ડિફેન્સ તે સમયે ખુબ ઉપયોગી બની રહે છે. કરાટે હોય કે બોક્સીંગ દરેક ક્ષેત્રમાં યુવતીઓ આગળ વધી રહી છે. કોઇ ખરાબ બનાવ બનતા આપણે રોકી નથી શકતા પરંતુ તેની સામે લડતા તો આપણે શીખવુ જ જોઇએ. હવે સમય આવી ગયો છે દિકરીઓને પોતાના આત્મ સન્નમાનને બચાવવા ઘરની બહાર નિકળવાનો.