શહેરની સાબરમતી સેન્ટ્રલ જેલ સુરક્ષાને લઇ અનેક વખત વિવાદમાં આવી છે તેમાં પણ ખાસ કરીને વર્ષ ર૦૧૩માં થયેલા સુરંગકાડને અત્યાર સુધીનો સૌથી મોટો વિવાદ ગણવામાં આવે છે. જેલની સુરક્ષાને લઇ હવે કોઇ વિવાદ ના સર્જાય તે માટે જેલને િસક્યોિરટીના મામલે વધુ હાઇટેક બનાવી રહ્યા છે.
સાબરમતીમાં આધુનિક સ્કૂટર
પેટ્રોલિંગમાં હવે નહીં પડે તકલીફ
સેલ્ફ બેલેન્સિંગ સ્કૂટરથી રખાશે નજર
છ કિલોમીટરમાં ફેલાયેલી સાબરમતી સેન્ટ્રલ જેલમાં એક જગ્યાએથી બીજી જગ્યા પર ઝડપી પહોંચવા માટે જેલ સત્તાધીશોએ બેટરી ઓપરેટ સેલ્ફ બેલેિન્સંગ સ્કૂટર વસાવ્યું છે. જેલના કોઇ પણ ખૂણે જવું હોય તો આ બેલેિન્સંગ સ્કૂટર જેલ કર્મચારીઓ માટે આસાન રહેશે.
જેલમાં અનિચ્છીનીય બનાવ ન બને તે માટે તંત્ર સજ્જ
અમદાવાદની સાબરમતી સેન્ટ્રલ જેલમાં કોઇ પણ અનિચ્છનીય બનાવ ના બને તે માટે જેલ તંત્ર સુરક્ષાને લઇ પૂરતું ધ્યાન આપી રહ્યું છે. કેદીઓ મોબાઇલનો ઉપયોગ ના કરે તે માટે ૪-જી જામર લગાવી દીધાં છે તો બીજી તરફ કેદીઓને ઇમર્જન્સીના સમયે મદદ મળી રહે તે માટે જેલની તમામ બેરેકમાં પેિનક બટન (ઇમર્જન્સી બટન) પણ લગાવવામાં આવ્યાં છે. કેદીઓ જેલમાં પ્રતિબંિધત ચીજવસ્તુઓ સંતાડીને ના લઇ જાય તે માટે બોડી સ્કેનર મશીન પણ વસાવ્યું છે અને હાઇડેિફનેશનના સીસીટીવી કેમેરાથી જેલને સજ્જ કરવામાં આવી છે.
કેદીઓ પર રાખવામાં આવી રહી છે બાજ નજર
છ કિલોમીટરમાં ફેલાયેલી સાબરમતી સેન્ટ્રલ જેલમાં ૧૦૦ કરતાં વધુ બેરેક છે, જેમાં ત્રણ હજાર કરતાં વધુ કાચા કામ તેમજ પાકા કામના કેદીઓ બંધ છે. દિવસમાં નવ કલાક જ્યારે તમામ કેદીઓને બહાર કાઢવામાં આવે છે તે સમયે કેદીઓની પૂરતી સલામતી રાખવામાં આવે છે. સેન્ટ્રલ જેલમાં અધીક્ષક સહિત ૪૦૦ જેલ સિપાહી, હવાલદાર, સુબેદાર તમામ કેદીઓની સુરક્ષા કરતા હોય છે અને તેમની ગતિવિિધ પર નજર રાખતા હોય છે. તેમ છતાંય સાબરમતી સેન્ટ્રલ જેલને ગુનેગારોની નગરી પણ કહેવામાં આવે છે, કારણ કે પાકા કામના અને કાચા કામના કેદીઓ એકબીજાને મળી પોતાના મનસૂબા પાર પાડવા માટેનાં કાવતરાં પણ સેન્ટ્રલ જેલમાં ઘડતા હોય છે.
અત્યાધુનિક સેલ્ફ બેલેન્સિંગ સ્કૂટર વસાવાયું
ર૬ જુલાઇ, ર૦૦૮ના રોજ શહેરમાં થયેલા િસિરયલ બોમ્બ બ્લાસ્ટ કેસમાં સંડોવાયેલા આતંકવાદીઓએ વર્ષ ર૦૧૩માં જેલમાંથી ભાગવા માટે ર૧૪ ફૂટ લાંબી સુરંગ ખોદી હતી. હાઇ િસક્યોિરટી હોવા છતાંય આતંકવાદીઓએ આ ઘટનાને અંજામ આપ્યો હતો. ત્યારબાદ જેલમાં સુરક્ષાને લઇ વિશેષ ધ્યાન આપવામાં આવી રહ્યું છે. સેન્ટ્રલ જેલમાં કોઇ અનિચ્છનીય બનાવ બને અને ઝડપથી એક જગ્યાએથી બીજી જગ્યાએ જવું હોય તેમજ ફૂટ પેટ્રોિલંગની જગ્યાએ ઝડપી પેટ્રોિલંગ કરવું હોય તે માટે બેટરી ઓપરેટ સેલ્ફ બેલેિન્સંગ સ્કૂટર વસાવ્યું છે. સેન્ટ્રલ જેલમાં દસ કિલોમીટર જેટલા રસ્તા છે, જેમાં બાઇકનો ઉપયોગ થતો હતો, પરંતુ કેટલીક એવી જગ્યાઓ છે કે જ્યાં બાઇક પણ જઇ શકતું નથી ત્યારે આવી જગ્યાઓ પર પહોંચવા માટે સેલ્ફ બેલેિન્સગ સ્કૂટર વસાવ્યું છે.