IPLIN
 

Women cricket / ઓસ્ટ્રેલિયા સામેની સિરીઝમાં ગુજરાતની 2 દીકરીઓ બતાવશે દમ, ટીમ ઇન્ડિયામાં થયુ સિલેક્શન

Team VTV 04:53 PM, 26 Aug 21
Follow us
Selection of 2 Gujarati players in Team India

ભારતીય ક્રિકેટ ટીમ હવે ઓસ્ટ્રેલિયા પ્રવાસ પર જશે, જ્યાં એક ટેસ્ટ, ત્રણ વન ડે અને ત્રણ ટી20 મુકાબલો રમાશે. ભારતે પોતાની ટીમનું એલાન કરી દીધું છે. 

  • મહિલા ક્રિકેટ ટીમમાં ગુજરાતનો દબદબો
  • 2 ગુજરાતી દીકરીઓને મળી ટીમમાં જગ્યા
  • રાધા યાદવ અને યાસ્તિકા ભાટિયા રમશે સિરીઝ

ટેસ્ટ અને વન ડે માટે મિતાલી રાજ કેપ્ટન રહેશે અને ટી 20ની કમાન હરમનપ્રિત કૌર પાસે રહેશે. તે સિવાય 2 ગુજરાતી દીકરીઓને ટીમમાં સ્થાન મળ્યું છે. પુરુષ ક્રિકેટ બાદ મહિલા ક્રિકેટ ટીમમાં ગુજરાતીઓનો દબદબો વધ્યો છે. BCCI વુમને ટ્વિટ કરીને પ્લેઇંગ 11 નામ જાહેર કર્યા છે. 

 

 

ટીમમાં નવા ચહેરા
આ વખતે ભારતની મહિલા ક્રિકેટ ટીમમાં કેટલાક નવા ચહેરા જોવા મળશે. તેમાં મેઘના સિંહ, રેણુકા સિંહ ઠાકુર અને યસ્તિકા ભાટિયા સામેલ છે. તે સિવાય બેટ્સમેન પ્રિયા પુનિયાને બહાર કરી દેવામાં આવી છે. તે ઇંગ્લેન્ડ પ્રવાસ પર ટેસ્ટ અને વન ડેમાં ટીમનો હિસ્સો હતી. 

સિનીયર બેટ્સમેન વેદા કૃષ્ણમૂર્તિ આ વખતે ટીમનો હિસ્સો નહી હોય. તે ઇંગ્લેન્ડ પણ નહોતી ગઇ, છેલ્લા થોડા સમયથી તે ખરાબ ફોર્મમાં છે. તે સિવાય વિકેટકીપર ઇંદ્રાણી રોયને પણ ટીમમાં સ્થાન મળ્યું નથી. આ બંને પ્લેયર ઇંગ્લેન્ડ પ્રવાસમાં પણ ટીમનો હિસ્સો નહોતી.  

19 સપ્ટેમ્બરે શરૂ થશે સિરીઝ
ભારત અને ઓસ્ટ્રેલિયા વચ્ચે સિરીઝની શરૂઆત 19 સપ્ટેમ્બરથી શરૂ થશે. જેના હેઠળ પહેલા વન ડે રમાશે અને 30 સપ્ટેમ્બરે એક ટેસ્ટ મેચરમાશે. 7 ઓક્ટોબરથી બંને ટીમ ટી20 ફોર્મેટમાં રમશે. 

 

 

વન ડે- ટેસ્ટ માટે ટીમ
મિતાલી રાજ (કેપ્ટન) હરમનપ્રીત કૌર (ઉપકપ્તાન) સ્મૃતિ મંધાના, શેફાલી શર્મા, પૂનમ રાઉત, જેમિમા રૉડ્રિગ્સ, દીપ્તિ શર્મા, સ્નેહ રાણા, યસ્તિકા ભાટિયા, તાનિયા ભાટિયા (વિકેટકીપર), શિખા પાંડે, ઝૂલન ગોસ્વામી, મેઘના સિંહ, પૂજા વસ્ત્રાકર, રાજેશ્વરી ગાયકવાડ, પૂનમ યાદવ, ઋચા ઘોષ, એકતા બિષ્ટ. 

ટી20 માટેની ટીમ
હરમનપ્રીત કૌર (કેપ્ટન) સ્મૃતિ મંધાના (ઉપકપ્તાન), શેફાલી વર્મા, જેમિમા રૉડ્રિગ્સ, દીપ્તિ શર્મા, સ્નેહ રાણા, યસ્તિકા ભાટિયા, શિખા પાંડે, મેઘના સિંહ, પૂજા વસ્ત્રાકર, રાજેશ્વરી ગાયકવાડ, પૂનમ યાદન, ઋચા ઘોષ, હરલીન દેઓલ, અરુંધતી રેડ્ડી, રાધા યાદવ, રેણુકા સિંહ ઠાકુર

Indian women cricket team yastika bhatia radha yadav Cricket
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ