પીએમ મોદીની આ રેલીમાં જબદરસ્ત સંખ્યામાં લોકો પહોંચ્યા હતા અને ભારે ભીડ જોઈને પીએમ મોદી જાણે ભાવવિભોર થઈ ગયા હતા.
પીએમ મોદીની રેલીમાં ભયંકર ભીડ
આ જગ્યા નાની પડી ગઈ છે : પીએમ મોદી
બહાર તો દૂર દૂર સુધી લાઈનો લાગી છે : પીએમ મોદી
પશ્ચિમ બંગાળમાં ચૂંટણી માટે ધૂમ પ્રચાર કરવામાં આવી રહ્યો છે ત્યારે ભાજપ અને તૃણમૂલ કોંગ્રેસ નેતાઑ તાબડતોબ રેલીઓ કરી રહ્યા છે ત્યારે આજે વડાપ્રધાન નરેન્દ્ર મોદીએ જનમેદનીને સંબોધિત કરતાં એવું કહ્યું કે વીડિયો સોશ્યલ મીડિયામાં વાયરલ થઈ રહ્યો છે.
ભારે ભીડ જોઈને થઈ ગયા ગદગદ
પીએમ મોદીની આ રેલીમાં જબદરસ્ત સંખ્યામાં લોકો પહોંચ્યા હતા અને ભારે ભીડ જોઈને પીએમ મોદી જાણે ભાવવિભોર થઈ ગયા હોય તેમ કહ્યું મારા પ્રિય ભાઈઓ- બહેનો મને ખબર છે કે આ જગ્યા નાની પડી ગઈ છે. હું હેલિકોપ્ટરથી જોઈ રહ્યો હતો બહાર પણ ખૂબ લાંબી કતાર લાગેલી છે. મને તો ચિંતા છે કે આ નવયુવાનો ક્યાંક નીચે પડી ન જાય તો નહીં દીદી મારા પર જ કેસ કરી દેશે. તમારે પણ પડવાનું નથી અને બંગાળને પડવા પણ નથી દેવાનું.
કૃષ્ણનગરની રેલીમાં પીએમ મોદીએ કહ્યું કે જે મુસ્લિમ બહેનોએ, દિકરીઓએ દીદીને આટલો પ્રેમ આપ્યો, તેમના સાથે દીદીએ ખૂબ ખરાબ કર્યું. ભાજપ સરકારે ત્રણ તલાકથી મુક્ત કરવા માટે કાયદો બનાવાયો તો દીદી મુસ્લિમ બહેનોના વિરોધમાં ઊભી થઈ ગઈ અને કટ્ટરપંથીઓનો સાથ આપી દીધો.
ખેડૂતોનો મુદ્દો ઉઠાવ્યો
ખેડૂતોનો મુદ્દો ઉઠાવતા પીએમ મોદીએ કહ્યું કે બટાકાના ખેડૂતોને તેમના બીજ જેટલી કિંમત પણ મળી નથી રહી. આડતીયાઓ ખેડૂતોને પરેશાન કરી રહ્યા છે. દીદીની ખરાબ નીતિઓએ ખેડૂતોની કમર તોડી નાંખી છે પણ ભાજપની ડબલ એન્જિનની સરકાર તો સિન્ડિકેટની કમર તોડી નાંખશે.
મહિલાઓનો મુદ્દો ઉઠાવ્યો
પીએમ મોદીએ કહ્યું કે બહેન-દીકરીઓ સાથે જઘન્ય અપરાધ થતાં રહ્યા અને દીદી ચૂપ રહ્યા. આદરણીય દીદી, યાદ રાખો આ 2021નું બંગાળ છે. હવે લોકતંત્ર સાથે રમત નહીં રમવા દેવાય. તમે બંગાળમાં ભય ફેલાવવાના પ્રયત્ન કરી રહ્યા છો પણ લોકો હવે એક થઈ રહ્યા છે.