અમેરિકાના રાષ્ટ્રપતિ ડોનાલ્ડ ટ્રમ્પના ભારત પહોંચ્યા પહેલા પ્રધાનમંત્રી નરેન્દ્ર મોદીએ ટવિટ કરતાં કહ્યું છે કે ભારત તમારા આગમનની રાહ જોઇ રહ્યું છે.
ડોનાલ્ડ ટ્રમ્પના આગમન પહેલા PM મોદીનું ટ્વિટ
મુલાકાત આપણા દેશની મિત્રતાને વધુ મજબુત કરશે
જલ્દી જ અમદાવાદમાં મુલાકાત થશે
પીએમ મોદીએ ટવિટ કરતાં લખ્યું કે ભારત તમારા આગમનની રાહ જોઇ રહ્યું છે. તમારા પ્રવાસને લઇને બંને દેશની મિત્રતા વધુ મજબૂત થશે. જલ્દી જ અમદાવાદમાં મુલાકાત થશે.
જ્યારે બીજી તરફ અમેરિકાના રાષ્ટ્રપતિ ડોનાલ્ડ ટ્રમ્પે પણ ભારત આવવા રવાના થયા અગાઉ ટવિટ કરતાં કહ્યું હતું કે પ્રધાનમંત્રી નરેન્દ્ર મોદી તેમના મિત્ર છે અને હું ભારત પ્રવાસને લઇને ઘણો ઉત્સુક છું. ટ્રમ્પે ભારત રવાના થયા અગાઉ કહ્યું કે મે ઘણા સમય અગાઉ વચન આપ્યું હતું કે હું ભારતના લોકો સાથે રહેવા ઉત્સુક છું.
US President Donald Trump: The ties between our two nations (India and US) are grounded in our common values and our shared commitment to democracy. We are governed by the rule of law, guided by a commitment to justice, and strengthened by our love of liberty. #TrumpIndiaVisitpic.twitter.com/Y6uQbDTkdf
અમેરિકાના રાષ્ટ્રપતિ ટ્રમ્પે 'મરીન વન ફોર ધ જોઇંટ બેઝ એન્ડ્રયૂઝ' માં ચડતા પહેલા વ્હાઉટ હાઉસ બહાર પત્રકારો સાથેની વાતચીતમાં કહ્યું હતું કે, હું ભારતના લોકો સાથેની મુલાકાતને લઇને ઉત્સાહિત છું. મારી પ્રધાનમંત્રી નરેન્દ્ર મોદી સાથે બહુ સારી મિત્રતા છે, તેઓ મારા મિત્ર છે.
રાષ્ટ્રપતિ ટ્રમ્પે કહ્યું બંને દેશો વચ્ચે સંબંધ સમાન મૂલ્યા અને લોકશાહી માટે અમારી સહાયતા પ્રતિબદ્ધતા પર આધારિત છે. અમે કાયદાના શાસન દ્વારા સંચાલિત છીએ, ન્યાય પ્રત્યેની પ્રતિબદ્ધતા દ્વારા સંચાલિત અને સ્વતંત્રતાના અમારા પ્રેમથી મજબૂત છે.