તાજેતરમાં દેશમાં યોજાયેલા એક સર્વેમાં ભાજપને લોકપ્રિયતાની બાબતમાં મોટો ફટકો પડી રહ્યો હોય તેવી જણાઈ રહ્યું છે, દેશના સૌથી શ્રેષ્ઠ મુખ્યમંત્રીઓને લઈને આઈએએનએસ- સી વોટર દ્વારા કરવામાં આવેલા એક સર્વેમાં ભાજપના એક પણ મુખ્યમંત્રીનો સમાવેશ થયો નથી, કેન્દ્રમાં પૂર્ણ બહુમતી સાથે બીજી વાર સત્તારૂઢ બનેલી ભાજપ માટે નિશ્ચિત પણે આ બિલકુલ પણ સારા સમાચાર નથી.
ભારતના સૌથી શ્રેષ્ઠ સીએમની યાદી જાહેર
Top 5માં એક પણ ભાજપના સીએમનું નામ નથી
ગુજરાત સીએમ રૂપાણી 46.74 ટકા રેટિંગ સાથે 10માં સ્થાને
સર્વે અનુસાર 10 સૌથી બેસ્ટ મુખ્યમંત્રીઓની લિસ્ટમાં એકથી સાતના ક્રમાંક સુધીના લિસ્ટમાં એક પણ ભાજપ શાસિત રાજ્યના સીએમનું નામ નથી, જો કે એક ચોંકાવનારી વાત એ સામે આવી છે કે દરેક ભાજપ/એનડીએ શાસિત રાજ્યમાં પીએમ મોદીની લોકપ્રિયતાનો ગ્રાફ મુખ્યમંત્રીઓ કરતા વધુ જોવા મળ્યો છે, એટલે કે ભાજપ અને એનડીએ માટે પીએમ મોદી જ હજુ પણ સૌથી મોટો ચહેરો છે.
𝗜𝗔𝗡𝗦 𝗖-𝗩𝗼𝘁𝗲𝗿 𝗦𝘁𝗮𝘁𝗲 𝗼𝗳 𝘁𝗵𝗲 𝗡𝗮𝘁𝗶𝗼𝗻 2021 𝘀𝘂𝗿𝘃𝗲𝘆
The survey shows that non-NDA & non-Cong ruled states have posted the best satisfaction numbers.Odisha CM @Naveen_Odisha has topped the chart with 78% rating, followed by Delhi CM @ArvindKejriwal at 77% pic.twitter.com/buRGvztx6d
બિન કોંગ્રેસી મુખ્યપ્રધાનો પીએમ મોદી કરતાં વધુ લોકપ્રિય
વધુ એક ચોંકાવનારી બાબત એ છે કે બિન કોંગ્રેસી મુખ્યમંત્રીઓ તેમના રાજ્યમાં પીએમ મોદી કરતા વધુ પોપ્યુલર છે, પરંતુ કોંગ્રેસ માટે મોટી ચિંતાજનક બાબત એ છે કે ભાજપના ઓછા લોકપ્રિય મુખ્યમંત્રીઓ જે સીએમના લિસ્ટમાં ક્યાંય દેખાતા નથી તે પણ તેમના રાજ્યમાં કોંગ્રેસના પૂર્વ અધ્યક્ષ રાહુલ ગાંધી કરતા લોકપ્રિયતામાં વધુ આગળ છે.
કોંગ્રેસના મુખ્યમંત્રીઓ તેમના રાજ્યમાં પણ રાહુલ ગાંધી કરતા વધુ લોકપ્રિય છે, આમ કોંગ્રેસ માટે રાહુલ ગાંધીનું નેતૃત્વ એક એસેટ કરતા જવાબદારી વધુ લાગી રહ્યું છે, કોંગ્રેસની સેન્ટ્રલ લીડરશીપ રાષ્ટ્રીય લેવલ પર વિપક્ષ તરીકેના મોદી સરકારના વિકલ્પ તરીકેની ખાલી જગ્યાને ભરવામાં સક્ષમ જણાઈ રહી નથી. રાહુલ ગાંધીની લોકપ્રિયતા નેગેટિવની આસપાસની જણાઈ રહી છે, આમ પીએમ મોદીની મુખ્યમંત્રીઓની સામે ઘટી રહેલી લોકપ્રિયતાનો કોઈ પણ ફાયદો રાહુલ ગાંધીને મળતો હોય તેવું જણાઈ રહ્યું નથી.
ભાજપના ઓછા પોપ્યુલર મુખ્યમંત્રીઓ પણ લોકપ્રિયતાના મામલે રાહુલ ગાંધી કરતાં આગળ
આ લિસ્ટમાં ઓરિસ્સાના સીએમ નવીન પટનાયક 79 ટકા સાથે ટોચ પર, દિલ્હીના સીએમ કેજરીવાલ 77 ટકા સાથે બીજા, આંધ્ર પ્રદેશના જગન મોહન રેડ્ડી 66.83 ટકા રેટિંગ સાથે ત્રીજા, જ્યારે કે ચોથા સ્થાને મહારાષ્ટ્રના સીએમ અને શિવસેના સુપ્રીમો ઉદ્ધવ ઠાકરે અને 5માં સ્થાને કેરળના સામ્યવાદી મોરચાના મુખ્યપ્રધાન પી વિજયન છે. મહત્વનું છે કે આ પહેલી વાર છે કે આ લિસ્ટમાં એક પણ ભાજપના સીએમનું નામ નથી.
હરિયાણાના મુખ્યપ્રધાન મનોહર લાલ ખટ્ટરના કામથી માત્ર 23 ટકા લોકો સંતુષ્ટ છે જ્યારે કે પંજાબના સીએમ અમરિન્દર સિંહના કામથી માત્ર 22 ટકા લોકો જ સંતુષ્ટ છે. એક વધુ ચોંકાવનારી વાત એ છે કે સૌથી ઓછા લોકપ્રિય મુખ્યમંત્રીના લિસ્ટમાં ટોપ 10માં 7 મુખ્યમંત્રી ભાજપ અથવા એનડીએ શાસિત રાજ્યના છે. આમ આ સર્વે એક વસ્તુ નું તરણ સ્પષ્ટ કરે છે કે પ્રાદેશિક લેવલે ભાજપની લોકપ્રિયતા ઘટી રહી છે, પરંતુ આ લોકપ્રિયતાનો ફાયદો કોંગ્રેસને બદલે ભારતના પ્રાદેશિક પાર્ટીઓને મળી રહ્યો છે, અને જે તે સ્ટેટમાં ભાજપના મુખ્ય વિકલ્પ તરીકે જ્યાં કોઈ પ્રાદેશિક પક્ષની હાજરી છે, ત્યાં મુખ્ય લડાઈ ભાજપ અને કોંગ્રેસની વચ્ચે નહિ પરંતુ ભાજપ અને પ્રાદેશિક પક્ષો વચ્ચે થશે.
ગુજરાતના મુખ્યપ્રધાનને મળ્યું દસમું સ્થાન, 46.74 ટકા રેટિંગ
કોંગ્રેસ માટે વધુ ચિંતાજનક એ છે કે તેને પ્રાદેશિક અને સેન્ટ્રલ લેવલ બંને જગ્યાએ વધુ મહેનત કરવાની જરૂર છે. ભાજપના કોરોનામાં સપડાયેલા ઉત્તરાખંડના સીએમ ત્રિવેન્દ્રસિંહ રાવતને સૌથી ઓછું 0.41 ટકા રેટિંગ જ મળ્યું છે, જ્યારે કે ગુજરાતમાં સીએમ વિજય રૂપાણીને 46.74 ટકા રેટિંગ સાથે દસમું સ્થાન મળ્યું છે.